Monthly Ubqari Magazine

 قرآن ایک زندہ معجزہ 'شفا ء اور برکت:

محترم حضرت حکیم صاحب السلام علیکم!میری بہن چودہ سالہ جب وہ چھٹی کلاس میں پڑھتی تھی اسے وہا ں سے اثرات شروع ہو گئے شروع میں گردن توڑ بخار ہوا ہم ایک ماہ ہسپتال میں لئے گھومتے پھرتے رہے۔ بعد میں کسی عامل کے پاس لے گئے کبھی کہیں کبھی کہیں لیکن آرام نہ آیا پھر ایک عامل کو دکھایا انہوں نے عمل دیا اور خود بھی کیا شکر خداکا جو پہلے نہ کھاتی تھی نہ پیتی تھی۔ اور منہ بند کیا تھا اس نے کھانا پینا شروع کر دیا لیکن اکثر رات کو چیختی تھی اور ہم ساری رات جاگ کر گزارتے تھے مگر اب کبھی رات کو ایسے ہو تو ہم وہی عامل کی دی گئی قرآن کی آیات پڑھتے ہیں تو میری بہن آرام سے سو جاتی ہے۔ اور ہم بھی آرام سے سوتے ہیں ۔ یقیناً قرآن ایک زندہ معجزہ شفاء اور برکت ہے وہ آیات سورہ مومنون کی آخری چار آیات ہیں یہ آیات خاص فضیلت رکھتی ہیں بغوی اور ثعلبی نے حضرت عبداللہ ابن مسعود رضی اللہ تعالی عنہ سے روایت کیا کہ ان کا گزر ایک ایسے بیمار پر ہوا جو سخت امراض میں منتلا تھا ۔ حضرت عبداللہ ابن مسعود رضی اللہ تعالی عنہ نے اس کے کان میں افحسبتم  سے لے کر آخر تک پڑھ دیں ۔وہ اسی وقت اچھا ہو گیا حضور نبی اکرم ﷺ نے ان سے دریافت کیا کہ آپ نے اس کے کان میں کیا پڑھا ہے حضرت عبداللہ ابن مسعود رضی اللہ تعالی عنہ نے عرض کیا سورہ مومنون کی آخری چار آیات پڑھی ہیں ۔ حضور نبی اکرم ﷺ نے ارشاد فرمایا کہ قسم ہے اس ذات کی جس کے قبضے میں میری جان ہے اگر کوئی آدمی جو یقین رکھنے والا ہو یہ آیتیں پہاڑ پر پڑھ دے تو پہاڑ بھی اپنی جگہ سے ہٹ سکتا ہے۔