Monthly Ubqari Magazine

 سورہ توبہ کی آخری 2 آیات کا کمال:

محترم حضرت حکیم صاحب  السلام علیکم! میری بیٹی جو چار سال پہلے وفات پا گئی تھی' وہ نماز روزے کی پابند تھی اور سورہ توبہ کی آخری دو آیات بہت زیادہ پڑھتی تھی اور مجھے بھی اکثر کہتی تھی کہ امی جان ! آپ بھی سورہ توبہ کی آخری دو آیات زیادہ سے زیادہ پڑھا کریں ۔ گزشتہ چار سالوں میں وہ مجھے خواب میں کبھی نظر نہ آئی ۔ ابھی کچھ دن پہلے مجھے خواب میں ملی تھی تو خواب کچھ اس طرح تھا کہ۔۔۔۔۔۔۔۔۔۔۔۔

میں خواب دیکھتی ہوں کہ میرے سامنے میری بیٹی ہے اور میں اس سے پوچھتی ہوں (ص)تم کہاں چلی گئی ہو اور کہاں رہتی ہو؟ تو میری بیٹی کہتی ہے کہ امی جان میں حضور ﷺکے پاس رہتی ہوں ۔ایک دن مجھے حضرت ابو بکر صدیق رضی اللہ تعالی عنہ ' اور ایک دن حضرت عمر فاروق  رضی اللہتعالی عنہ ' ملنے کے لئے آتے ہیں ۔ اور مزید دیکھتی ہوں کہ میرے بائیں طرف میرا بیٹا کھڑا ہے اور وہ کہتا ہے کہ آپ کو نہیں پتا یہ سورہ توبہ کی آخری دو آیات بہت پڑھتی تھی ۔ اس لئے اس کو یہ درجہ ملا اور پھر میری آنکھ کھل جاتی ہے ۔

قارئین ! میری آپ سے التجا ہے کہ سورہ توبہ کی آخری دو آیات زیادہ سے زیادہ پڑھیں اور مجھ گنہگار کو بھی اپنی دعاؤں میں یاد رکھیں۔