بار بار دیدار رسول ﷺ کرنے کاخاص عمل

بار بار دیدار رسول ﷺ کرنے کاخاص عمل :۔

اللہ تعالیٰ کی محبت دل میں پیدا کرنےکا عمل:۔ محترم حضرت حکیم صاحب دامت برکاتہم ! نے ایک مرتبہ ارشاد فرمایا تھا کہ جو بندہ چاہتا ہے کہ میرا سینہ اللہ پاک کی محبت اور اس کی معرفت سے پر رہے اور کمال معرفت نصیب ہو مولا سے محبت ہو جائے اس پر دل جان قربان کرنا آ جائے فرمایا مفہوم ہے وہ اس عمل کے اہتمام کرے ۔ عمل یہ ہے کہ لگا تار گیارہ جمعہ کی رات عشاء کی نماز پڑھ کر مسجد میں یا کسی بھی خاموشی والی جگہ پر سات بار سورہ نو پڑھیں ۔ اول و آخر گیارہ مرتبہ درود شریف پڑھے اس کے بعد تین ہزار مرتبہ اللہ پاک کا صفاتی نام یا نور پڑھے اس عمل سے اللہ پاک اس کا دل اور سینہ اپنے نور معرفت سے بھر دیں گے۔

حضور اقدسﷺ کا بار بار دیدار کرنے کا خاص عمل:۔ جس دن جون 2006ء کا آغاز ہوا تھا اس دن محترم حضرت حکیم صاحب دامت برکاتہم ! نے بہت پیاری محفل منعقد کروائی اس دن حضرت حکیم صاحب بہت خوش تھے ۔ اس دن حضرت حکیم صاحب نے محفل میں بتایا کہ جو بندہ چاہتا ہے کہ مجھے بار بار حضور نبی اکرم ﷺ کا خواب میں دیدار ہو اور اگر میرے کچھ مسائل دنیا کے اٹکے ہوئے ہوں اس کا حل بھی مجھے خواب میں حضور نبی کریم ﷺ ہی بتائیں تو وہ ہر فرض نماز کے بعد35 مرتبہ محمد رسول اللہ احمد رسول اللہ پڑھے اول وآخر تین بار درود شریف کے ساتھ ، اس عمل کو معمول بنا لے اگر گنہگار پڑھے گا تو پہلے اس کے گناہ ختم ہوں گے یعنی وہ دیدار کے قابل بنے گا پھر دیدار ہو گا ، زندگی کا معمول بنا لے تو آپ ﷺ کا بار بار دیدار نصیب ہو گا ۔

ہر ناممکن کام ممکن بنانے کیلئے :۔ ہر ناممکن کام کا حل چاہے اس کا تعلق دنیا سے ہو یا دین سے لگا تار چالیس دن میں جتنے سوموار ، جمعرات ، جمعہ آئیں ان تینوں دن میں روزہ رکھیں اور ان دنوں میں روزے کی حلت میں روزانہ سو نفل دو دو رکعت کر کے پڑھیں ، پہلی رکعت مٰں سورہ فاتحہ کے بعد سورہ کافرو ن اور دوسری رکعت میں سورہ اخلاص پرھیں ، سلام کے بعد یعنی دو گانہ کے بعد تین مرتبہ درج ذیل دعا پڑھیں اول و آخر ایک بار درود شریف کے ساتھ اللهم انی اسئلک و اتوجه الیک بنبینا محمد صلی اللہ علیہ وسلم نبی الرحمۃ یا محمد انی اتوجہ بک الی ربک ان تقضی حاجتی اس کے بعد دعا مانگیں انشاءاللہ ناممکن ممکن میں بدل جائے گا ۔

اولاد کیلئے گارنٹی والا وظیفہ:۔ جن لوگوں کے ہا ں نہیں اور وہ علاج سے عاجز آ چکے ہیں ، ان کی گود ہری نیں ہو رہی انشاء اللہ اگر ان کی شادی کو تیس سال بھی ہو چکے ہیں تو وہ یہ عمل کریں اللہ پاک ان کو اپنے خزانوں سے اولاد ضرور دے گا  اس عمل کی اجازت عام ہے ، یہ تین وظیفوں کا مجموعہ ہے ، ا س کیلئے شرط یہ ہے کہ عمل لگا تار نو مہینے میاں بیوی دونوں کریں اگر کوئی ناغہ ہو جائے تو اس کو بعد میں پورا کر لیں۔

1.عشاء کی نماز پڑھ کر 121 بار سورہ فاتحہ اول و آخر گیارہ بار درود ابراہیمی اس طرح پڑھیں کہ جب سورہ فاتحہ کی اس آیت پر پہنچیں  صِرَاطَ الَّذِينَ أَنْعَمْتَ عَلَيْهِمْ غَيْرِ تو یہ جملہ "بمثل ابراھیم و یعقوب  و زکریا علیھم السلام " ہر دفعہ تین بار کہیں اور پھر سورہ فاتحہ مکمل کریں ، نو ماہ تک روزانہ یہ عمل کرنا ہے

2."یا باری  یامتین یا بدیع یا حافظ " نو ماہ تک ہر نماز کے بعد پیٹ پر ہاتھ رکھ کر ستر بار پڑھیں ، یہ عمل صرف خاتون کرنے۔

3.اٹھتے بیٹھتے بہت ہی زیادہ کثرت سے سارا دن سورہ کوثر پڑھیں ، لاکھوں کی تعداد میں 9 ماہ میں پڑھیں ، یہ عمل دونوں میاں بیوی کریں ، اس عمل کی سب کو خصوصی اجازت ہے ۔

 ماہنامہ عبقری " ستمبر 2015ء شمارہ نمبر 111" صفحہ نمبر26