پریشان اور آسودہ حال کیلئے تیر بہدف آزمودہ عمل

پریشان اور آسودہ حال کیلئے تیر بہدف آزمودہ عمل :۔

محترم حضرت حکیم صاحب السلام علیکم!کبھی کبھار ایک اللہ والے بہت ہی بزرگ شخصیت کی خدمت میں حاضری کا موقع ملتا ہے چند ایک وظائف جو حضرت مدظلہ العالی نے مجلس میں مختلف لوگوں سے فرمائے وہ درج کرتا ہوں ۔حضرت نے فرمایا کہ ہر کام اور جائز مقصد کیلئے  "اللہ الصمد "  کا ایک لاکھ دفعہ تمام گھر کے افراد کا ایک جگہ مجمع ہو کر پڑھنا اکسیر ہے اور حاجت کو پورا کرتا ہے ۔ مجھے ایک جاننے والے نے بتایا کہ ہمارا ایک ضروری کام کسی طرح حل نہیں ہو رہا تھا حضرت نے فرمایا کہ ایک لاکھ دفعہ "اللہ الصمد "  پڑھیں ابھی تین حصے پڑھا تھا کہ اللہ نے کام حل فرمادیا ۔ ہم نے خود گھر میں مختلف جائز مقاصد کے حل کیلئے حضرت کے ارشاد پر پڑھا اللہ نے کامیابی عطا فرمائی یہ وظیفہ جو حضرت ہر پریشان ، آسودہ حال کو عطا فرماتے ہیں  "یاللہ یارحمن یا رحیم " ہر نماز کے 101 مرتبہ پڑھنا ہے اور بروز جمعہ عصر تا مغرب ایک ہی جگہ پر یکسوئی سے لاتعداد مرتبہ پڑھیں ۔ ہمارا ہمسایہ عرصہ سے دماغی امراض کا شکار چلا آ رہا تھا ۔ حضرت کی خدمت میں لے گئے حضرت نے فرمایا کہ ہر نماز کے بعد اس کے سر پر ہاتھ رکھ کر ایک تسبیح  ﷽ پڑھیں ۔ اللہ پاک نے اسے حیرت انگیز طریقہ سے سکون عطا فرمایا۔