ہر آفت،تکلیف،قتل و غارت سے بچنے کا آسان نسخہ

ہر آفت،تکلیف،قتل و غارت سے بچنے کا آسان نسخہ:

 اکثر سفر کا اتفاق ہوتا ہے جب سے سورہ کہف سفر میں پڑھنا شروع کی ہے بے شمار انہونے واقعات دیکھے اللہ پاک صرف سورہ پڑھنے سے کس طرح بچاتا ہے ہر آفت ،تکلیف ،اور قتل و غارت سے محفوظ رکھتا ہے عموماً کوچ میں سفر کے دوران سورہ کہف پڑھتی ہوں کوچ کی روانگی سے دس منٹ قبل کوچ میں بیٹھ جاتی ہوں سورہ پڑھ چکنے کے بعد پوری کوچ پر تین مرتبہ پھونک مار دیتی ہوں اور ذہن میں یہ تصور ہوتا ہے کہ جس طرح اللہ پاک نے اصحاب کہف کو ہر مصیبت سے بچایا تھا ایسے ہی ہمیں بھی دوران سفر ہر مصیبت سے بچالے ۔ عموماً سورہ پڑھنے کے بعد پرسکون ہو جاتی ہوں گھر میں مصروف ہوتی ہوں تو تمام کام سمیٹنے کی جلدی ہوتی ہے تھکن لے کر کوسڑ میں بیٹھ جاتی ہوں سورتیں پڑھتی ہوں اور نیند کا ٹکٹ ہوتا ہے یہ ٹکٹ گہری نیند سلا دیتا ہے کہاں سٹاپ آیا ہے یا نہیں آتا نیند تو نان سٹاپ ہوتی ہے آج بھی ایسا ہی تھا ۔ ایک دم ہنگامہ ہوا ، قتل کی دھمکیاں دی جا رہی تھیں ، گہری نیند سے واپسی ہوئی ، دیکھا کےکوچ رکی ہوئی ، ڈرائیور سیٹ سے غائب دوسری کوچ کے ڈرائیور نے بہت غلیظ باتیں کی، یہ تو غنیمت تھا کہ جس کوچ میں راقمہ تھی اس ڈرائیور نے کافی تحمل مزاجی کا مظاہرہ کیا تھا ۔ صلح کرتے ہوئے واپس کوچ میں آ گیا ، باقی لوگ بھی آ کر اپنی سیٹوں پر برا جمان ہو گئے ، ڈرائیور نے گاڑی سٹارٹ ہی کی تھی کہ دوسرا ڈرائیور تیزی سے اپنی گاڑی کو اتنا قریب لایا کہ ہماری گاڑی کو ٹکر مار کر تباہ کردے جو منظر راقمہ دیکھ رہی تھی وہ خوفناک تھا گاڑی کے پرخچے اڑتے دیکھ رہی تھی پھر کیا ہو گا؟ راقمہ سوچ بھی رہی تھی اور رو بھی رہی تھی رب سے دعا مانگنے کی شدت تھی انہی سیکنڈوں میں ملائکہ ہماری گاڑی نکال کر لے گئے تھے کیونکہ یہ کسی انسان کے بس کا روگ نہیں تھا یہی سوچتی رہی کاش! دوسری بس میں بھی کسی مسافر نے سورہ کہف پڑھ لی ہوتی تو ایسا نہ ہوتا جس قدر لوگ ڈارئیونگ کرتے ہیں، جو لوگ پائلٹ ہیں، ٹرین کے ڈرائیور ہیں ، کوشش کر کہ سورہ کہف پڑھ کر  ڈرائیونگ سیٹ پر بیٹھیں دنیا کا سفر ڈرائیونگ کرتے گزرجاتا ہے فرصت کے منتظر نہ رہیں ، جب یہ سورہ پڑھیں گئے تو خود بخود وقت میں برکت ہو گی ۔ تمام ڈرائیونگ کرنے والی بہنوں سے دوخواست کروں گی انشاء اللہ وہ سورہ کہف پڑھ کر ڈرائیونگ کریں اور پھر اس سورت کے پڑھنے کے کمالات دیکھیں ۔ اور عبقری میں لکھ کر بھیجیں تاکہ سب لوگ اس سورہ کو پڑھا کریں ۔ اجر آپ کو بھی ملے گا ۔ یہ سورہ پڑھنے سے پریشانیاں ختم ہو جاتی ہیں اور وقت میں برکت ہوتی ہے حقیقت لکھی ہے اللہ پاک کرے قاری اس پر عمل کریں ۔
دوسرا واقعہ:
آج بھی سفر کے لئے روانگی تھی ،گھریلو مصروفیات زیادہ تھیں ، یوں سٹینڈ پر جانے میں کچھ دیر ہو گئی جاتے ہی اپنی پنج سورہ کھولا اور سورہ کہف پڑھنے  لگی ، چار رکوع ہی پڑھے تھے کہ کوچ میں اس قدر سواریاں آئی کہ سیٹوں کے درمیان انسانوں کی دیوار لگ گئی شیشوں کے سامنے بہت موٹے پردے پڑے ہوئے تھے مجھے ایک بار پنج سورہ بند کرنا پڑھا الفاظ نظر ہی نہیں آ رہے تھے جوں ہی میں نے پڑھنا بند کیا مجھے محسوس ہو ا گاڑی فضاء میں قلا بازیاں کھا رہی ہے فوراً خیال آیا سورہ پڑھنا بند کر دی ہے اس لئے اللہ پاک کی رحمت دور ہو گئی ہے جلدی سے پردے ہٹائے پنج سورہ کھولا اور پھر سورہ پڑھنے لگی جوں ہی سورہ پڑھنی شروع کی بس کی قلا بازیاں رک گئیں  ۔ بہت سکون سے سفر ہونے لگا پوری سورہ مکمل کی پھر پورے سفر میں کوئی پریشانی نہ ہوئی جب سورہ پڑھنی بند کی ملائکہ کو بے حد ناگوار گزرا بس قلابازیاں کھانے لگی یہ سوچ کر بے حد خوشی ہوئی صرف سورہ پڑھنے سے ملائکہ ساتھ رہتےہیں یہ کتنی خوش نصیبی ہے اور ابلیس دور ہو جاتا ہے جہاں ابلیس نہ ہو کبھی جھگڑا نہیں ہوتا وہاں تو امن ہی امن ہے ۔ سفر کرتے دو گھنٹے گزر چکے تھے نہ ٹی وی ، نہ ڈیک، راقمہ نے اپنی ساتھی بہن سے کہا ، جو ہمسفر تھیں ، یہ زندگی میں پہلی گاڑی دیکھی ہے جس میں ٹی وی نہیں ہے ، ورنہ تمام سفر بہت تکلیف میں کٹتا  ۔ ہمسفر بہن کہہ رہی تھی ٹی وی تو موجود ہے چلایا نہیں ہے سامنے نگا ء ڈالی تو واقعی سامنے ٹی وی لگا ہوا تھا ، خوشی کی بات یہ ہے کوئی فرد بس میں بولتا ہی نہیں ، سوتے ہوئے اور اللہ پاک کا ذکر کرتےہوئے سفر گزرتا ہے زندگی گزارنے کا مزہ اللہ پاک کی اطاعت میں ہے ۔ ہر سفر میں باقاعدگی سے سورہ پڑھتی ہوں ۔ محترم قارئین ! آپ بھی یہ سورہ پڑھا کریں پھر اس کے کمالات دیکھیں ۔
 ماہنامہ عبقری "اگست 2015ء شمارہ نمبر 110" صفحہ نمبر7