ٹینشن ڈیپریشن اور نیند نہ آنے کا مسئلہ ختم

ٹینشن ڈیپریشن اور نیند نہ آنے کا مسئلہ ختم 
آج سے تقریبابیس اکیس سال پہلے مجھے ڈیپریشن اورٹینشن اور نیند نہ آنے کا مسئلہ تھا اس مسئلے میں میں نے پندرہ سولہ

عینک توڑ نسخہ

عینک توڑ نسخہ 
محترم حکیم صاحب السلام علیکم ! چند ماہ سے عبقری کا قاری بنا ہوں۔ میں بھی طب سے منسلک ہوں۔ میں قارئین عبقری کیلئے ایک بہت ہی مجرب عمل اور نسخہ بھیج رہا ہوں۔ یہ میرا اور بہت سے دیگر ساتھیوں کا آزمایا ہواہے۔ عمل یہ ہے ہر نماز کے بعد گیارہ دفعہ پڑھ کر آنکھوں میں دم کریں۔ فَکَشَفْنَا عَنْکَ غِطَاءَکَ فَبَصَرُکَ الْیَوْمَ حَدِیْدٌ (ق) 
میری نظر 2006میں ڈیڑھ نمبر تک کمزور تھی۔ جب سے میں نے یہ عمل شروع کیا الحمد اللہ عینک بھی چھوٹ گئی اور نظر دن بدن تیز ہوگئی۔ نسخہ یہ ہے : گری (ناریل) ایک کلو ، سفید مرچ سو گرام ، سونف سو گرام ، مغز بادام 250گرام، چینی حسب ذائقہ دیسی گھی حسب ضرورت ۔ ان کو باریک کر کے رکھ لیں، صبح ناشتہ میں ایک سے دو چمچ استعمال کریں۔ والد محترم نظر کیلئے دو عینک رکھتے تھے، وہ بھی طبیب تھے، دہلی سے فارغ التحصیل تھے۔ جب والد صاحب نے 1970میں یہ نسخہ استعمال کیا تو عینک سے نجات مل گئی اور 1995تک ان کی نظر بالکل ٹھیک تھی۔ 1995میں والد صاحب کا انتقال ہو ا۔ یہ نسخہ میں نے بہت سے لوگوں کو لکھ کر دیا، تمام ہی اللہ کے کرم سے ٹھیک ہو گئے(احمد حسین ، خوشاب)

نظر کی کمزوری دور کرنے کے وظائف

نظر کی کمزوری دور کرنے کے وظائف 
ہر فرض نماز کے بعد دایاں ہاتھ سر پر رکھ کر ایک ہی سانس میں گیارہ مرتبہ یا قوی پرھیں۔ یہ دعا سر کے جملہ امراض کیلئے کافی و شافی ہے ۔ مثلا دماغی ٹینشن اور مرگی وغیرہ۔ 
دایاں ہاتھ سر پر رکھ کر آیت کا صرف اتنا حصہ پڑھیں۔ 
فَضَرَبْنَا عَلٰی اَذَانِھِمْ فِی الْکَھْفِ۔ (کہف 11)
پھر ہاتھ پر دم کر کے سرپر پھریں۔ ان شاء اللہ خوب گہری نیند آئے گی۔ بستر پر باوضو دائیں کروٹ قبلہ رخ لیٹ کر سات مرتبہ یہ آیت پڑھیں۔ تَحْسَبُھُمْ اِیْقَاظًا وَھُمْ رُقُوْد ۔ ان شاء اللہ خوب نیند آئے گی

نظر کی کمزوری کیلئے

نظر کی کمزوری کیلئے
قاری عبدالباسط کی آواز میں سورۃ رحمن کی کیسٹ بغیر ترجمے کے خریدیں ، آنکھیں بند کر لیں، اللہ تعالیٰ کا تصور باندھیں اور دل کے کانوں سے ڈو ب کر سنیں ، سننے کے بعد آنکھیں کھول لیں، پھر آدھا گلاس پانی لیں، آنکھیں دوبار بند کر لیں اور ڈوب کر دل میں تین مرتبہ اللہ کہیں اور پھر یہ پانی تین سانسوں میں نظر کی تیزی کا تصور کر کے پی لیں اسی طریقہ سے تلاوت دن میں تین بار متواتر سات روز تک سنیں، سنتے وقت اور پانی پیتے وقت تصور اپنے مقصد کا رکھیں ۔ کیونکہ میرا پل پل اذیت میں گز ر رہا تھا اور میری نظر کمزور ہو گئی تھی اور بے خوابی بھی بہت زیاد ہ تھی تو اللہ کے فضل سے اس عمل سے اللہ کا کرم ہوا جو کہ اب بھی جاری یہ عمل چھوڑتی ہوں تو پھر وہی حال ہوتا ہے ، چھوڑنا نہیں ہے۔ (ایک بیٹی )

بے خوابی کیلئے روحانی نسخہ

بے خوابی کیلئے روحانی نسخہ:
تسبیحاتِ فاطمہؓ آنکھیں بند کر کے توجہ اور دھیان سے اور اللہ تعالی کے ننانو ے نام جیسے ہر اعضا چیخ چیخ کر اللہ کی ذاتی و صفاتی نام سے پکار رہا ہو، خدا کی قسم اس طرح پڑھنے سے ایسی نیند آئے گی جیسے حوریں لوری دے کر سلا رہی ہوں اور اللہ کی طرف سے لبیک یا عبدی صدائیں آرہی ہوں اور دماغ کی تمام تر الجھنیں اور پریشانی کیلئے رات کی بیڈٹی سے بڑھ کر کوئی بہتر علاج نہیں جو کہ میں خود اس پر عمل کر رہی ہوں۔ تحریر بڑی ہو جائے گی ۔ اس وجہ سے اس کے فائدے نہیں لکھ سکتی اس کے علاوہ سردیوں میں گرم دودھ اور گرمیوں میں فریج کے برف کا تھنڈا دودھ بھی اچھی طرح نیند کیلئے اور نظر کی تیزی کیلئے بہت فائدہ مند ہے اور عشاء کی نماز اچھی نیند کیلئے بہت اہم ہے۔

پر سکون نیند کے لئے ٹینشن سے نجات کا راز

پر سکون نیند کے لئے ٹینشن سے نجات کا راز 
محترم حکیم صاحب السلام علیکم !
سدا سلامت تا قیامت رہیں ۔ نیند کے لیے رات کو جب بستر پر جائیں تو ایک بار تعوذ اور ایک بار تسمیہ پڑھی ہوں تو سکون کی نیند آتی ہے، جتنی بھی ٹینشن ہو ختم ہو جاتی ہے ، اور اچھی نیند کیلئے ایک بار کہنا اللہ میں نے سب کو معاف کیا تو مجھ کو معاف کر دے تو جسم ہلکا ہو جاتا ہے ۔ اگر کوئی ڈر خوف ہو تو غسل خانہ والی دعا بھی چند بار پڑھ لیتی ہوں اور کہتی ہوں اللہ میں بے بس ہوں ، نہ سونے پر میرا اختیار نہ اٹھنے پر، یہ گھڑی کا الارم مجھے نہیں اٹھائے گا تو مجھے اٹھائے گا پھر تہجد یافجر جس ٹائم کا اللہ سے منت کر کے سوئیں آنکھ کھل جاتی ہے۔ میرا بیٹا 13سال کا سویا ہوا کروٹیں بدل رہا تھا، میں نے غسل خانے والی دعاچند بار پڑھ کر اس پر دم کیا تو کروٹیں لینا ختم کر دیں۔ جب بچے سونے لگیں تو کہتی ہوں تعوذ ، تسمیہ پڑھ لو، صبح اٹھ کر فوراً منہ میں اللہ اکبر چند بار کہیں تو وظیفہ قرآن اور نماز اتنے آسان ہو جاتے ہیں اور دل کرتا ہے اور پڑھیں۔ اللہ رب العزت پر پیار آتا رہتا ہے۔ (شگفتہ یا سمین)

باتھ روم رفع حاجت

جگہ رفع حاجت کیلئے نہ ملے تو !
اگر بڑ ا پیشاب زورں پر ہو اور لیٹرین نہ ملے ، بارش ہو یا کوئی جگہ رفع حاجت کیلئے ہ ہو تو اس بے چینی کی حالت میں دائیں ہاتھ کی شہادت کی انگلی کو منہ میں ڈال کر لعاب لگائیں اور ناف کے سوراخ میں لگائیں۔ بڑے پیشاب کا زور ٹوٹ جاے گا۔ میں نے کئی بار تجربہ کیا ، بالکل صحیح ثابت ہوا ہے۔ (محمد مظہر حسین ، جہانیاں) 

دیمک سے نجات کا روحانی ٹوٹکہ

دیمک سے نجات کا روحانی ٹوٹکہ 

اگر کسی کی چوکھٹ، کھڑکی یا لکڑی کی چیزوں کے شہتیروں میں دیمک لگ گئی ہو اور انہیں ناکارہ کر رہی ہو اور بار بار دوائیاں چھڑکنے اور اس کے درو کرنے کے باوجود لکڑی کی تمام چیزوں کو تباہ کر رہی ہو تو اس کیلئے روزانہ سورۃ مطففین مکمل پڑھ کر دیمک کے نکلنے کے سوراخوں پر دم کیا کریں اور پانی پر دم کر کے گھر کے تمام کونوں میں اس کے چھینٹے ماریں( وقار عظیم ، راولپنڈی)

دیمک سمیت موذری جانوروں سے نجات

درج ذیل دعا ہر قسم کے موذی جانوروں اور کیڑے مکوڑوں کی حفاظت کیلئے ہے اور دیمک کے خاتمہ کے لئے اس کو اکسیر پایا ہے۔ 
بِسْمِ اللّٰہِ الرَّحْمٰنِ الرَّحِیْمِ سَلٰمٌ عَلٰی نُوْحٍ فِی الْعٰلَمِیْنَ۔ 
گیارہ بار صبح اور گیارہ بار شام اول و آخر گیارہ بار درود شریف پڑھا جائے اعتقاد کامل ہو ۔ 

اس کے علاوہ بِسْمِ اللّٰہِ الَّذِی لَا یَضُرُّمَعَ اسْمِہٖ شَیْءٌ فِی الْاَرْضِ وَلَا فِی السَّمَاءِ وَ ھُوَ السَّمِیْعُ الْعَلِیْمُ 
(تین بار صبح و شام) ام سعد کوٹ مومن)

دکان میں گاہکوں کی ریل پیل کے لیے آزمایا عمل

دکان میں گاہکوں کی ریل پیل کے لیے آزمایا عمل 
محترم حکیم صاحب السلام علیکم ! 
اللہ پاک آپ کو خوش رکھے اور آپ کے درجات بلند کریں آمین ۔ میرے والد صاحب کی دکان ہے ، چند مہینوں سے کام دن بدن ختم ہو رہا تھا حتیٰ کہ ایسے دن بھی آئے کہ سارا دن دکان پر فارغ بیٹھ کر آجاتے ایک بھی گاہک نہ آتا۔ پھر مجھے میری ایک جاننے والی نے ایک عمل بتایا کہ روزانہ سارا دن اٹھتے ، بیٹھتے، چلتے پھرتے درود شریف پڑھو اور پانی پر دم کر کے اپنے ابو کو دو میں اکتالیس دن مسلسل یہ عمل کیا اور میرے ابو نے اکتالیس دن تک پانی لے جا کر دکان میں چھڑکاؤ کیا ۔ الحمد اللہ اس عمل کی برکت سے سیل دن بدن بہتر ہو رہی ہے اور دکان میں گاہکوں کی ریل پیل شروع ہو گئی ہے۔ اب دو دن کی 45ہزار سیل ہوئی ہے جبکہ پورا مہینہ گزر جاتا تھا، 30ہزار بھی سیل نہیں ہوتی تھی۔ (ثمرین) 

ubqari April 2015

کامیاب استخارہ

 کامیاب استخارہ 
عبقری میں ایک مرتبہ استخارہ کا ایک طریقہ شائع ہو ا تھا دو نفل پڑھ کر اور اِیاَّ کَ نعبد و ایاک نستعین کی درمیان میں تکرار کرنی ہے، وہ استخارہ میں کرتی ہوں۔ خیر کی صورت میں سر دائیں طرف یا دایاں پاؤں مڑ جاتا ہے ۔ میں نے بہت سے کاموں کے لئے کیا ہے اور کامیاب پایا ہے (م ۔ ملتان)

اچھی نیند کیلئے وظیفہ

اچھی نیند کیلئے وظیفہ 
رات کو سوتے وقت سو بار درود شریف پڑھے پھر اس کے بعد اس آیت کو بار بار پڑھے، بہت اچھی نیند آئے گی۔ 
لَااِلٰہَ اِلّاَ ھُوَ الْمَلِکُ الْحَقُّ الْمُبِیْن (فوزیہ مغل ، بہاولپور) 

دیمک کے لئے روحانی علاج بھی حاضر ہے۔

دیمک کے لئے روحانی علاج بھی حاضر ہے۔
دیمک کے لئے روحانی علاج حاضر ہے ۔ بس یقین شرط ہے، پلیز اس یقین کے ساتھ عمل کریں کہ یہ وہ کلام پاک ہے جو اگر پہاڑوں پر نازل ہوتا تو وہ پھٹ جاتے۔ سورۃ المعراج کو نو بار یا 21 بار پڑھ کرسپرے والی بوتل میں پانی ڈال کر اس کا دم کریں اول و آخر درودِ ابراہیمی پڑھیں اور یقین کے ساتھ دیمک والی جگہ پر سپرے کریں۔ دن میں تین بار جب تک دیمک ختم نہ ہو کرتے رہیں ان شاء اللہ تعالیٰ فائدہ ہو گا۔ جہاں ٹڈیاں ہوں وہاں اس کی ہر آیت کو علیحدہ علیحدہ ایک مرتبہ زعفران سے لکھ کر ایک ایک نقش الگ الگ درخت پر لگا دیں اللہ کے حکم سے ٹڈیوں کا طوفان ختم ہو جائے گا۔ 
ڈینگی بخار سے نجات سورۃ المعراج کا ظہر کی نماز کے بعد ہمیشہ پڑھنا ، ہر طرح کے وبال اور ڈینگی بخار سے محفوظ رکھتا ہے ،

فالج اور لقوہ سے نجات:
عشاء کی نماز کے بعد سورۃ المعراج کو پڑھ کر شہد پر دم کرکے تین انگلیاں شہد کی چاٹ لیں فالج اورلقوہ کی بیماری سے ہمیشہ محفوظ رہے گا۔ 

روحانی ترقی کیلئے: 
روحانی ترقی کے لئے سورۃ فجر بہت خاص ہے۔ سات روزے رکھے جائیں اور ہر روز سات مسکینوں کو کھانا کھلایا جائے اور141بار روزانہ سات روزتک سورۃ فجر کو ایک جگہ پڑھا جائے ان شاء اللہ سارے سال کی روزی نصیب ہو گی۔

Ubqari Shumara 106 April 2015 page 7

دیمک یا یقینی خاتمہ

دیمک یا یقینی خاتمہ 
دیمک کو ختم کرنے کے لیے کافی عرصہ پہلے پڑھا تھا ، ابھی اس کتاب اور شخصیت کا نام یا د نہیں۔ اس سے میں نے خود بھی بہت فائدہ اٹھایا اور جن جن کو بتایا ان کو بھی بہت فائدہ ہوا۔ امید ہے جو شخص یقین کے ساتھ کر ے گا۔ وہ ضرور فائدہ حاصل کریں گا جس گھر میں دیمک لگی ہوئی ہو اس گھر کی دیواروں پر اول خلفیہ سید نا حضرت ابو بکر صدیق ؓ ، دوئم خلیفہ سید ناعمر فاروق ؓ ، سوئم خلیفہ حضرت عثمان غنی ؓ ، چہارم خلیفہ سید نا حضرت علی المرتضیٰؓ ، پنجم خلیفہ سید نا حضرت حسن بن علیؓ ، ششم خلفہ سید نا امیر معاویہ بن ابو سفیانؓ کسی کاغذ پر لکھ کر لٹکا دیں ان شاء اللہ جو دیمک ہو گی وہ ختم ہو جائے گی ۔ ایک بات سنی ہوئی ہے جو سود کے کاروبار سے منسلک ہیں ان کے گھر پر دیمک چمٹ جاتا ہے ۔ ہو سکتا ہے اس کو اس سے فائدہ نہ ہو 
(محمد افضل رفیق رحمانی۔ محمد افضل اصغر خوشاب) 
(ماہنامہ عبقری سمبر 2014ء میں پہلے بھی یہ لگ چکا ہے ۔ تاکہ ریکارڈ رہے۔ )

Ubqari Shumara 106 April 2015 page 7

دیمک سے نجات کا لاجواب سپرے

دیمک سے نجات کا لاجواب سپرے
محترم حکیم صاحب اسلام و علیکم!
بعد ازسلام عرض ہے ماہنامہ عبقری میں بار بار دیمک کے متعلق پڑھا تو ناچیز نے سوچا کہ عبقری مجھ کو موقع دے رہا ہے تو میں کیوں نہ دیمک پر اپنے تجربات لکھوں تو سب سے پہلے تو ایک روحانی عمل ہے ، کہ صبح فجر کی نماز کے بعد اول و آخر گیارہ مرتبہ کوئی سا بھی درود شریف پڑھیں اور درمیان میں تین مرتبہ سورۃ الرحمن پڑھیے اور ایک پانی کی بوتل پر اسپرے پاک صاف کرکے پانی بھر کر رکھ لیجئے اور دونوں پر دم کرتے رہیے اور پانی تو سب بچوں کو پلایئے بلکہ تمام گھر والے پئیں اور سپرے کے پانی کو گھر کے کونے کونے میں چھڑک دیجئے اور جہاں دیمک ہے وہاں خصوصاً چھڑک دیجئے بلکہ بار بار چھڑک دیجئے انشاء اللہ دیمک کا خاتمہ ہو جائے گا ۔ یہ وظیفہ مجھے محلے میں موجودہ ہماری باجی نے بتایا تھا اور کہا تھا کہ اس سے گھر کے تمام حشرات الارض ختم ہو جاتے ہیں اور پینے سے تمام گھر والے اتفاق و اتحاد سے رہتے ہیں اور نافرمان بچے بھی نیک ہو جاتے ہیں ، تجربہ شرط ہے کہ میں خود بھی اور میرے ملنے والے بھی پڑھتے ہیں اور یوں ہماری ہر سپرے والی دوائی سے جان چھوٹ جاتی ہے ، یعنی سورۃ الرحمن کا دم کیا ہوا پانی روزانہ جس گھر میں چھڑک دیا جائے وہاں سے حشرات الارض بھاگ جاتے ہیں اور دوبارہ آنے کیلئے وہ گھر کیا وہ علاقہ تک ان کیلئے ممنوعہ ہو جاتا ہے ، مثلاً چونٹیاں ، دیمک ، مچھر، ڈینگی مچھر، باتھ روم میں پیدا ہونے والے کھنگے ، چھپکلی ، چوہے وغیرہ جس کو بتایا وہی کامیاب ۔۔۔ا س کے علاوہ جنات و جادو ٹونہ بھی نوٹ جاتا ہے مگر مستقل مزاجی سے پڑھیے۔

نوٹ: جب بھی سپرے والی پانی یا بوتل والا پانی استعمال کریں تو تھوڑا سا بچا کر اس میں اور پانی ڈال کر دوبارہ دم کریں۔ اس طرح اسی پانی پر بار بار دم کریں تو تاثیر بہت زیادہ بڑھ جاتی ہے۔
سپرے کرنے کا طریقہ: 
آپ باہر والے دروازے سے سیدھے یا نقہ کی طرف شروع کریں اور تمام گھر میں چھڑکتے ہوئے مین دروازے پر ہی ختم کریں کہ جس طرح کسی چیز کو باہر نکال رہے ہیں۔ اور چند دنوں میں تمام چیزیں گھر سے بھاگ جاتی ہیں۔ ساتھ یہ دعا بھی کرتے رہیں کہ یا اللہ اس مصیبت سے ہماری جان چھڑا ،

Ubqari Shumara 106 April 2015 page 7

گیہوں میں گھن یا دیمک نہ لگنے کا مجرب عمل

گیہوں میں گھن یا دیمک نہ لگنے کا مجرب عمل
عبداللہ ، عروہ قاسم ، سعید ابوبکر، سلیمٰن، خواجہ یہ اسماء کا غذ پر لکھ کر گیہوں میں رکھ دیں ۔ گھن اور دیمک کبھی نہ لگے گا ، انشاء اللہ ۔ اس کے علاہ یہ نام درد سر کیلئے پڑھ کر دم کریں یا لکھ کر گلے میں باندھیں ۔( ابو لائبہ ‘ بھٹو کالونی کراچی)( ماہنامہ عبقری جولائی2014ء میں پہلے بھی یہ لگ چکا تاکہ ریکارڈ رہے)۔

صدقہ سے دیمک کا خاتمہ

صدقہ سے دیمک کا خاتمہ
قرآن پاک کے وزن کے برابر کسی کو گندم صدقہ کر دیں دیمک گھر چھوڑ دیں گے ۔( محمد ابراہیم‘ گجرات)

ڈیپریشن ‘ نیند نہ آنے ‘ بے خوابی کیلئے میرا آزمودہ

ڈیپریشن ‘ نیند نہ آنے ‘ بے خوابی کیلئے میرا آزمودہ۔
جس کو کسی نیند لانے والی دوا سے نیند نہ آئے ‘ ٹینشن بیماری یا خوف کی وجہ سے نیند ختم ہو جائے تو اس کیلئے خالد بن ولید کی وہ دعا جو آنحضور ﷺ نے سکھائی، نیند لانے کیلئے اس سے بڑھ کر کوئی دوا نہیں ۔ یہ دعا نیند لانے کی بہت ہائی پوٹینسی گولی ہے مجھے خوف کی بیماری میں نیند اڑ گئی ڈاکٹر نے نیند کی گولیاں دیں ‘ اس سے بلڈ پریشر لو رہنے لگا ، نیند ختم اور دل کمزور ہو گیا میں عبقری نومبر 2008میں یہ دعا پڑھی ‘ اس دعا سے لاجواب نفع ہوا۔
اَللّٰھُمَّ رَبَّ السَّمٰوٰ تِ السّبْعِِ وَ مَا اَ ظَلَّتْ وَ رَ بَّ الْاَرْ ضِیْنَ وَ مَا اَقَلَّتْ وَرَبَّ الشَّیَا طِیْنِ وَمَا اَضَلَّتْ کُنْ لَیْ جَا رًا مِّن شَرِِّ خَلْقِکَ اَجْمَعِینَ اَنْ یَّفْرُطَ عَلَیَّ اَحَدٌمِّنْھُمْ اَوْ اَنْ یَّطْغٰی عَزَّجَا رُکَ (وَتَبَارَکَ اسْمُکَ) وَجَلَّ ثَنَاءُکَ وَلَا اِلٰہَ غَیْرُکَ لَا اِلٰہَ اِلَّا اَنْتَ۔
جس شخص کو غم ، فکر ، ڈر ، خوف ، بیماری سے نیند جاتی رہے اس کیلئے سورۃ الانبیاء ، ہرن کی جھلی پر لکھ کر کمر پر باندھ دیں خوب نیند آئے گی ، آنکھ نہ کھلے گی ، قلتِ نوم کیلئے سوتے وقت یہ آیت پڑھنا بھی بہت مفید ہے
( احزاب56)

1. إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

ضعف بصارت کیلئے : جس قدر بھی نظر کمزور ہو جائے تین مرتبہ پڑھ کر انگلی شہادت پر دم کرکے آنکھوں پر لگانے سے نظر ٹھیک ہو جاتی ہے ، ہر نماز کے بعد تین مرتبہ فَکَشَفْناَ عَنْکَ غَطَاءَ کَ فَبَصَرُکَ الْیُومَ حَدِیْدٌ(ق۲۲)اور یَا نُوْْرُ گیارہ مرتبہ ہر نماز کے بعد انگلیوں پر دم کرکے آنکھوں پر لگائیں ۔( نجمہ عامر، گوجرانوالہ)

Ubqari shumara 106 April 2015

نظر اور خون کی کمی کیلئے نسخہ۔

نظر اور خون کی کمی کیلئے نسخہ۔
محترم حکیم صاحب! نظر کی کمزوری اور خون کی کمی کیلئے ایک نسخہ حاضر خدمت ہے ۔ آزمودہ ہے۔
ھوالشّافی۔ مربہ گاجر آدھ پاؤ ‘ مربہ آملہ آدھ پاؤ ‘ مربع ہریڑ آدھ پاؤ ‘ مربہ سیب آدھ پاؤ ‘ بادام کی گری آدھ پاؤ ‘ چاندی کے ورق چھ درجن۔
چاروں مربہ جات کو شِیرے سے نکال کر کوٹ لیں ، بادام کی گری بھی باریک کوٹ لیں اس میں چاندی کے ورق مکس کریں چنے کے برابر اس کی گولیاں بنالیں ‘ رات 

کو سوتے وقت بڑوں کیلئے دو گولی اور بچوں کیلئے ایک گولی نیم گرم دودھ کے ساتھ لیں ۔( نگہت ’ راولپنڈی)۔۔

Ubqari shumara 106 April 2015

نظر کیلئے نسخہ بے نظیر

نظر کیلئے نسخہ بے نظیر۔
ھوالشّافی۔ سونف250گرام ‘ خشخاش250گرام‘ بادام آدھا کلو‘ کدو مغز 50گرام‘ مغز کھیرا50گرام‘ مغز اخروٹ 50گرام’ چنے بھنے ہوئے 250گرام‘ مغز فندق50گرام‘ مغز پستہ50گرام‘ چلغوزہ100گرام‘مغز خربوزہ50 گرام، مغز تربوز50 گرام،، کوزہ مصری برابر وزن ‘ کلونجی50گرام۔
تمام چیزوں کو سفوف بنالیں اور اس کے بعد اس میں برابر وزن مصری ملا لیں یا شکر ملا کر سنبھا لیں ۔
خوراک استعمال: رات سونے سے پہلے آدھا چمچ چائے والا ہمراہ دودھ استعمال کریں اور صبح نہارمنہ آدھی خوراک ہمراہ دودھ استعمال کریں اور کم از کم تین ماہ تک استعمال کریں یہ بہت ہی اعلیٰ درجے کا مقوی دماغ بھی ہے اور طاقت و توانائی کا سرچشمہ ہے ۔ سینکڑوں کا آزمودہ ہے ‘ آپ بھی آزمائیں اور دعاؤں میں یاد رکھیں (کلیم اللہ)

Ubqari shumara 106 April 2015 page 5

ٹینشن و بے خوابی کا علاج۔

ٹینشن و بے خوابی کا علاج۔
جس کسی کو بے خوابی یا ٹینشن کا مرض ہو ‘ اسے چاہیے کہ وہ ادویات کے بجائے صرف خالص شہد کا استعمال کرے۔ 
طریقہ استعمال: رات کو کھانا کھانے کے بعد ایک چمچ شہد سونے سے دو گھنٹے قبل استعمال کریں یہ بہت ہی آزمودہ ہے ،پر سکون نیند آتی ہے اس کے علاوہ روغن خشخاش کی سرپر مالش بھی کر لیا کریں۔