مسائل کا خاتمہ

میں چند سال پہلے عجیب وغریب امراض کا شکار تھا‘جادو جنات کی وجہ سے میں بالکل معذور ہوچکا تھا‘ حتیٰ کہ کروٹ بھی نہ بدل سکتا تھا۔ روحانی علاج کرواکروا کرتھک چکا تھا‘ پھر ایک مرتبہ ایک پرانے سے میگزین میں جادو جنات سے نجات کیلئے ایک وظیفہ پڑھا کہ اول و آخر تین مرتبہ درود پاک کے ساتھ سورۂ بقرہ پڑھ کر آخر میں تین بار سورۂ اخلاص پڑھیں‘ پانی پر دم کرکے خود بھی پینا اور گھروالوں کو بھی پلانا اور دیواروں اور گھر کے چاروں کونوں پر اس پانی کو چھڑکنا ہوتا ہے۔ میں نے خود ہمت کرکے یہ عمل کرنا شروع کیا اور پہلے ہی ہفتے میں تقریباً پون گھنٹے میں میں نے یہ عمل پورا کرلیا‘ مجھے اپنا جسم‘ کمر‘ ٹانگیں بازو ہلکے محسوس ہونے لگے‘ دو ہفتے میں بستر پر کروٹ بدلنے اور اٹھنے بیٹھنے میں آسانی محسوس ہونے لگی‘ ایسا لگتا تھا جیسے کندھوں سے کمر تک بہت بوجھ اتر گیا‘ اس کے علاوہ میرے پسینے میں بہت زیادہ بدبو آتی تھی اور چہرے پر پیلاہٹ رہتی تھی جو اس عمل سے ختم ہوگئی‘ میں یہ عمل پانچ ماہ تک لگاتار کرتارہا ‘الحمدللہ! میں اب ستر فیصد تک ٹھیک ہوچکا ہوں‘ خودہی واش روم جاتا ہوں‘ کھانا کھاتا ہوں‘ ہلکی پھلکی صبح کی سیر کرتا ہوں۔

جادو کے سارے راستے بند

جادو ٹونے کا توڑ:۔

بیرون ممالک کام کرنے والے لوگ حسد اور نظربد کا شکار ہوجاتے ہیں لوگ ان سے حسد کرنے لگ جاتے ہیں اور انہیں تنگ کرنے تکالیف پہنچانے کیلئے مختلف قسم کے غلیظ عمل کرنا شروع کردیتے ہیں۔ لوگوں کے ان غلیظ اعمال کی بدولت کئی لوگوں کا روزگار بھی چھوٹ جاتا ہے اور کئی لوگوں کی صحت خراب رہنے لگتی ہے ان کا کسی کام میں دل نہیں لگتا اور شدید بے چینی ہوتی ہے۔ بیرون ممالک کے تمام بھائیوں کیلئے بہت زبردست عمل ہے۔ اس پر ضرور عمل کریں۔ اس عمل کی بدولت سے ان پر جادو وغیرہ اثر نہیں کرے گا اس کےعلاوہ کوئی غلیظ عمل بھی ان پر عمل نہیں کرے اور ان کی زندگی میں ٹھہراؤ اور سکون آجائے گا۔

عمل یہ ہے:۔

سورۂ فلق سو مرتبہ‘ سورۂ ناس سو مرتبہ (دن میں کسی بھی وقت باوضو پڑھیں) اس کے علاوہ منزل کا وظیفہ: یہ ایک چھوٹی سی کتاب ہے جو کسی بھی کتب کی دکان سےآسانی سے مل جاتی ہے۔ اس کو ایک دفعہ صبح وشام پڑھ لیا کریں۔ آیت قطب کا عجیب و غریب :قرآن پاک کی ہر آیت ہی بڑی بابرکت اور باعث شفاء ہے لیکن آیت قطب ایک لمبی آیت ہے جس کے فوائد بے شمارہیں۔یہ آیت قطب سورۂ آل عمران پارہ 4 کی آیت نمبر 154 ہے۔اختصار کے ساتھ اس کے فوائد مندرجہ ذیل ہیں:۔ اس آیت کا عامل بننے کیلئے ایک چلہ کرلیں‘ یعنی اکتالیس مرتبہ اکتالیس دن تک پڑھیں اس کےبعد تین مرتبہ صبح و شام معمول بنالیں۔ اس کا دوسرا طریقہ یہ ہے کہ گیارہ مرتبہ صبح و شام 160 دن تک پڑھیں انشاء اللہ تعالیٰ عمل میں آجائے گی۔

جنات اور جادو کا توڑ:۔

 اگر کسی انسان پر جن آجائے یا جادو کا اثر ہوجائے تو آیت قطب کو سات مرتبہ پڑھ کر مریض کے دونوں کان‘ آنکھوں اور سر پر پھونک مار دیں۔ اس کی برکت سے وہ راستے بند ہوجائیں گے جن سے جن اور جادو اثرانداز ہوتے ہیں۔ 

سردرد کیلئے:۔

 جس شخص کے سر میں درد ہو تو سات مرتبہ آیت قطب پڑھ کر دم کریں انشاء اللہ آرام آجائے گا۔ اگر سات دفعہ پڑھنے سے آرام نہ آئے تو طاق اعداد یعنی ،11،13،15،17،19،21 تک پڑھ کر دم کرتے رہیں اور مریض سے حال پوچھتے رہیں۔ انشاء اللہ 21 دفعہ پڑھنے سےآرام آجائے گا۔ 

پھوڑے پھنسیوں کیلئے:۔

 ہر قسم کے پھوڑے پھنسیوں کیلئے پانچ دفعہ آیت قطب پڑھیں اور ہر بار پھونک مارتے رہیں اور آخر میں سات مرتبہ ڑھ کر دم کریں۔ انشاء اللہ اس بیماری سے جان چھوٹ جائیگی۔

جلدی امراض کیلئے:۔

 ہر قسم کے جلدی امراض کیلئے یعنی خارش یا انفیکشن وغیرہ کیلئے بہت مفید ہے۔ سات دفعہ پڑھ کر متاثرہ حصے پر دم کردیں۔ انشاء اللہ ضرور بہتری آئے گی۔

بچوں کی بیماریوں کیلئے:۔

 چھوٹے بچوں کا ڈر جانا‘ رونا‘ سوکھا پن‘ دودھ نہ پینا‘ سبق یاد نہ رہنا‘ نظر کا کمزور ہونا ان تمام امراض کیلئے آیت قطب ایک دفعہ روز شام کو سات روز تک درودابراہیمی پڑھ کر بچے پر دم کردیا کریں۔ انشاء اللہ ان تمام امراض سے جان چھوٹ جائےگی۔ 

آدھے سر کا درد:۔

 آدھے سر کے درد کیلئے 21 مرتبہ درج بالا آیت پڑھ کر اتنی ہی پھونکیں ماریں‘ انشاء اللہ ایک ہی ہفتہ میں آرام آجائے گا۔ مرگی: ہرقسم کے مرگی کے دورے کیلئے صبح و شام 21،21 مرتبہ پڑھ کر دعا کریں اور مریض کے مکمل ٹھیک ہونے تک یہ عمل جاری رکھیں۔ اللہ کے فضل سے ضرور شفاء ہوجائے گی۔

ہرقسم کے کینسر کیلئے:۔

 کینسر کی کوئی بھی قسم ہو‘ 41 دن تک صبح و شام 41 دفعہ شام کو آیت قطب پڑھ کر دم کردیں‘ انشاء اللہ پہلے ہی ہفتے سےفرق پڑنا شروع ہوجائے گا اور اس وقت تک یہ عمل جاری رکھیں جب تک مریض مکمل طور پر شفایاب نہیں ہوجاتا۔

اڑتی ہوئی ہانڈی کے وار سے کیسے بچا

مجھ پر کسی نےانتہائی سخت کالاجادو کیا تھا‘ جسے عرف عام میں ہانڈی بھیجنا بھی کہتے ہیں‘ مگر مجھے اس وقت ان چیزوں کا علم نہیں تھا کہ یہ ہانڈی کیا ہوتی ہے؟ اور میرے اوپر کیوں آئی مگر الحمدللہ مجھے اللہ نے اپنے کلام پاک کی برکت سے اس جادوئی ہانڈی سے محفوظ رکھا۔ قارئین! کلمہ طیبہ اللہ عزوجل کی وحدانیت‘ عظمت کا اقرار اور ہمارے پیارے نبی حبیب خدا رحمۃ اللعالمین ﷺ کا آخری نبی یعنی خاتم النبین پر ایمان آسان الفاظ میں یہ بات یوں کہی جاسکتی ہے کہ اللہ پاک کے احکامات کو اُس کے نبی محترم ﷺ کے طریقوں کے مطابق پورا کرنے کا نام دین ہے‘ یہی اصل کامیابی ہے‘ آخرت و دنیا کی جو کام اللہ پاک کے بابرکت نام اور آپ ﷺ پر درود پاک پڑھ کر شروع کیا جائے وہ نہ صرف بابرکت ہوتا ہے بلکہ پایہ تکمیل تک بخیروعافیت انجام پاتا ہے۔ محترم قارئین! یہ واقعہ کئی سال پہلے کا ہے ایک مرتبہ رات کو میں اکیلا سورہا تھا کہ اچانک تیز گرمی اور تپش سے میری آنکھ کھل گئی‘ میری عادت ہے کہ رات کو کلمہ طیبہ‘ دوسرا‘ تیسرا‘ چوتھا کلمہ درود شریف‘ مسنون دعائیں پڑھ کرسوتا ہوں‘ ایک رات میں نے کُھلی آنکھوں سے دیکھا کہ ایک ہانڈی ہے

 جس سے اُبلنے کی آواز آرہی ہیں اور ایسا محسوس ہوتا تھا جیسے اس کے اندر کوئی چیزیں کھول رہی ہوں‘ جیسے بہت تیز گرم پانی کھولتا ہے‘ کھولتے پانی کی آواز سن کر میری آنکھ کھل گئی‘ یقیناً اللہ پاک کو میری حفاظت منظور تھی میں نے کلمہ طیبہ‘ آیۃ الکرسی پڑھی تو وہ اوپر اٹھ کر اونچی ہوگئی اورنظروں سے غائب ہوگئی دوبارہ میری آنکھ لگ گئی‘ پھر تپش اور گرمی سے آنکھ کھلی تو دیکھا کہ وہ ہانڈی مجھ سے تقریباً ڈیڑھ میٹر بلند ہے میں نے پھر کلمہ طیبہ اور آیۃ الکرسی‘ درود پاک کا مسلسل ورد کیا تو وہ دوبارہ اوپر جاکر نظروں سےاوجھل ہوگئی‘ میں دوبارہ نیند کی وادی میں چلا گیا‘ ایک مرتبہ پھر تیسری بار میری آنکھیں کھلی تو کھلی کی کھلی رہ گئیں وہی ہانڈی میرے لیٹے ہوئے جسم سے تقریباً دو فٹ اوپر تھی کہ میں اس کے نیچے جلنے والی موٹی لکڑیوں کی سفید راکھ دیکھ رہا تھا میں نے لیٹے لیٹے لرزتے ہونٹوں کے ساتھ کلمہ طیبہ، آیۃ الکرسی اور مسنون دعائیں کے علاوہ تلاوت قرآن پاک بھی شروع کردی جونہی وہ ہانڈی اوپر جاکر غائب ہوئی تو میں چارپائی سے اٹھ چکا تھا‘رات ڈیڑھ دو بجے کا وقت تھا‘ وضو کیا رب کے حضور سر جھکا دیا اور شکر ادا کیا کہ نہ جانے یہ کیسی مصیبت تھی جو مجھ پرآرہی تھی اللہ پاک نے نجات عطا فرمائی۔ صبح اٹھ کر مختلف علماء کرام‘ عاملین کے پاس گیا‘ سب نے یہی بتایا کہ کسی نے انتہائی سخت کالے جادو والے عامل سے آپ پر قاتلانہ حملہ کروایا اور اس حملہ سے 97 فیصد افراد زندہ نہیں رہتے‘ اللہ پاک کی مہربانی کلام پاک‘ کلمہ طیبہ کی برکت تھی کہ آپ محفوظ‘ صحیح سلامت رہے۔ سچ ہےجو اللہ پاک کی پناہ میں آجاتا ہے اس کا مخلوق کچھ نہیں بگاڑ سکتی کہ بچانے والا خود اللہ پاک طاقتور زبردست ہے۔

بچے جادو کا شکار

میرے بچے جادو کا شکار:۔ 

 میرے بچے گزشتہ آٹھ سال سے سخت جادو کا شکر ہیں‘ شیطان جنات‘ سفلی بچوں کے پاؤں سے چڑھتے ہیں اور سخت اذیت دیتے ہیں‘ اب تک بچوں کےعلاج پر لاکھوں خرچ کرچکی ہوں لیکن کہیں سے مستقل شفاء نہیں ہوئی‘ جس کسی نے جو بتایا وہ سب کچھ پڑھتے ہیں مگر کچھ ہی عرصہ کے بعد دوبارہ حملہ ہوجاتا ہے۔ خدارا ہمیں کوئی وظیفہ یا عمل عنایت فرمائیں کہ ان مصائب سے ہماری جان چھوٹ جائے۔ جواب: صبح و رات سورۃ فلق اور سورۂ ناس ایک تسبیح پڑھ کر پانی پر دم کریں اور یہ پانی تمام گھر والے پینے کیلئے استعمال کریں اور اسی پانی کے چھینٹے گھر کے چاروں کونوں میں ماریںمزیدیہی پانی ہاتھوں پر ہلکا سا لگا کر پورے جسم پر پھیر لیا کریں۔ علاوہ ازیں نماز عصر کے بعد یَااللّٰہُ یَارَحْمٰنُ یَارَحِیْمُ ایک سو ایک بار پڑھ کر اللہ تعالیٰ سے حالات بہتر ہونے کی دعا کیا کریں۔ اللہ تعالیٰ پر یقین رکھیں کہ اس یقین سے ہی انسان کو اطمینان قلب حاصل ہوتا ہے اور اللہ تعالیٰ کی خوشنودی بھی حاصل ہوتی ہے۔ وسوسوں میں گرفتار نہ ہوں۔

عاملین کو ستانے والاجن

یہ واقعہ تقریباً تیس سال پہلے کا ہے۔

 ہم شادی سے قبل اپنے ماں باپ کے گھر تمام بہن بھائی اکٹھے رہتے تھے کہ ایک مرتبہ سردیوں کو میں سورہی تھی کہ میں نے دیکھا کہ دیوار کی طرف سے ایک چڑیل نکل کر باہر آئی جس کےناخن اور دانت خوفناک قسم کےبڑے بڑے تھے مگر میں خوف زدہ نہیں ہوئی۔ وہ میرے سرہانے آکر کھڑی ہوگئی۔ اس وقت میرا چھوٹا بھائی بعمر تقریباً، چار یا پانچ سال‘ میرے ساتھ سویا ہوا تھا۔ میرا بھائی بہت ہی خوبصورت تھا‘ وہ چڑیل مجھ سے بولی کہ مجھے یہ اپنا بھائی دے دو‘ یہ تمہارا بھائی بہت خوبصورت ہے‘ میں نے اس کو کہا کہ میں اپنا بھائی تجھے ہرگز نہیں دوں گی اس نے کہا کہ میں نے تم سے تمہارا بھائی لے لینا ہے اور میرے بال پکڑ لیے۔ اس دوران میرے منہ سے بے ساختہ نکلا یااللہ مدد اور وہ بے ساختہ بھاگ نکلی اور جاتے جاتے یہ کہہ گئی کہ میں نے تیرا بھائی تم سے لے لینا ہے۔ میں نے صبح کسی کو نہیں بتایا کہ گزشتہ رات کیا ہوا تھا‘ اس واقعہ کے بعد مجھے تین چار دن مسلسل

اکیس دن میں ہرقسم کی پریشانی ختم

اکیس دن کے اندر ہر قسم کی بندش و رکاوٹ اور پریشانی ختم

ہوکر اللہ تعالیٰ کی طرف سے خوشحالی کے دروازے کشادہ ہوجائیں گے۔ ہرقسم کی بندش ورکاوٹ مثلاً کاروبار‘ رزق‘ شادی وغیرہ کے لیے درج ذیل وظیفہ اکیس ، اکتالیس یا نوے دن کریں۔

محترم حضرت حکیم صاحب السلام علیکم! میں روزانہ رات کو سوتے وقت یَابَاعِثُ یَانُوْرُ دل پر ہاتھ رکھ کر پڑھتا ہوں‘ رات کو بہت اچھے خواب اور اشارے آتے ہیں۔ مختلف اچھی جگہوں کی سیر ہوتی ہے۔ہرجائز کام انجام خیر ہوگا:اگر کوئی شخص کسی کام میں ہاتھ ڈالتا ہو اور اس میں اسے خیر نہ ہوتی ہو اور ہر کام کا انجام توقعات کے برخلاف اور صرف نقصان کے سوا نہ نکلتا ہو تو اس آیت کو ورد میں رکھیں تو انشاء اللہ اس کے جائز کام اپنے انجام کو پہنچیں گے اور اسے کسی کام میں خسارہ نہ ہوگا۔ کسی بھی جائز کام مثلاً رزق‘ حلال‘ تعلیم‘ شادی وغیرہ میں کوئی رکاوٹ یا ناکامی نہ ہوگی۔ 

اکیس دن میں ہرقسم کی پریشانی ختم

 اس وظیفہ کو بعدازفجر گیارہ بار پڑھیں‘ انشاء اللہ تعالیٰ اکیس دن کے اندر ہر قسم کی بندش و رکاوٹ اور پریشانی ختم ہوکر اللہ تعالیٰ کی طرف سے خوشحالی کے دروازے کشادہ ہوجائیں گے۔ ہرقسم کی بندش ورکاوٹ مثلاً کاروبار‘ رزق‘ شادی وغیرہ کے لیے درج ذیل وظیفہ اکیس ، اکتالیس یا نوے دن کریں۔ پانی پر دم کرکے پی بھی سکتے ہیں اورگھر یا کاروبار والی جگہ

خواجہ خدابخش خیرپوریؒ مستند روحانی وظائف

حافظہ کی کمزوری ، بھول چوک اور نسیان کے مرض کے لیے

اگر کسی کو نسیان یعنی بھول چوک کا مرض ہوتو اس کیلئے ہر فرض نماز کے بعد تیرہ مرتبہ یہ آیت پڑھے۔ رب زدنی علما اور گیارہ مرتبہ یہ آیت پڑھ کر دونوں ہاتھوں پر دم کرکے ٹوپی اتار کر اپنے سر پر پھیرے۔

سیلان الرحم

بعض عورتوں کو سیلان الرحم کی شکایت ہوتی ہے اور حیض کے علاوہ استحاضہ کا خون آتا ہے جس سے عورت کی صحت بری طرح متاثر ہوتی ہے۔ اس کیلئے یہ عمل بہت کارآمد اور مفید ہے۔ زیتون کا ایک کلو تیل لے کر اول گیارہ مرتبہ درود شریف اس کے بعد گیارہ سو مرتبہ سورۂ والتین پڑھیں اور آخر میں گیارہ بار درودشریف پڑھ کر اس زیتون کےتیل پر دم کرکے رکھ لیں اور روزانہ صبح ناشتہ کے وقت روٹی پر چپڑ کر یاڈبل روٹی یا توس پر لگا کر کھائیں۔ انشاء اللہ تعالیٰ سیلان کا مرض جاتا رہے گا۔

ماہواری کم یا درد کے ساتھ آنا

اگر کسی عورت کوماہوار کم آتی ہو یا تکلیف اور درد کے ساتھ آتی ہو یا بال گرنے کی شکایت ہو یا کمر میں درد رہتا ہو یا ہاتھ پاؤں کی ہتھیلیاں جلتی ہوں تو اس کیلئے یہ عمل مجرب ہے۔ ایک کلو سوکھا کھوپرا لے لیں۔ اول گیارہ بار درود شریف اس کے بعد سورۂ ملک ایک سو تیس مرتبہ آخر میں گیارہ بار درود شریف پڑھ کر اس کھوپرے پر دم کریں۔ اس کے بعد کھوپرے کو کاٹ کر چھوٹے چھوٹے ٹکڑے کرلیں۔ روزانہ رات کو ایک پاؤ گائے کے دودھ میں وہ کھوپرے کا ٹکڑا بھگودیں۔ صبح کو منہ دھو کر نہار منہ کھوپرے کا ٹکڑا کھاکر دودھ پی لیں۔ گائے کے گوشت اور گرم چیزوں کے کھانےسے پرہیز کریں۔ گرم چیزیں یہ ہیں: گائے کا گوشت‘ مچھلی‘ انڈا‘ مرغی‘ بینگن‘ آم کا اچار وغیرہ۔ یہ کھوپرا مسلسل تین ماہ استعمال کریں اور ماہواری کے ایام میں کھوپرا استعمال نہ کریں۔ کھوپرا پاک حالت میں کھانا ہے اگر ناپاک حالت ہے تو پہلے غسل کرکے پاک ہوجائے پھر استعمال کرے انشاء اللہ تعالیٰ جلد ہی تمام شکایات دورہوجانی شروع ہوجائیں گی۔

کتے کے کاٹ لینے سے زہر کا اثر ختم

اگر پاگل کتا کسی کو کاٹ لے اور اس کا مناسب علاج نہ کیا جائے تو وہ شخص بھی کتے کی طرح بھونکنے لگتا ہے اور لوگوں کو کاٹ لے تو وہ بھی پاگل ہوجاتے ہیں۔ لہٰذا اس کا فوری علاج کرانا چاہیے۔ اسی کے ساتھ ساتھ یہ عمل بھی کرے تاکہ کتے کے کاٹےکا زہر اثر نہ کرے۔ اس عمل کی برکت سے انشاء اللہ تعالیٰ کتے کے زہر کا اثر ختم ہوجائے گا۔ وہ عمل یہ ہے۔ زعفران کو عرق گلاب میں گھول کر اس سے کسی نئے برتن میں یہ حروف باوضو لکھے اور روغن زیتون (زیتون کے تیل) سے دھو کر اس مریض کو پلائے۔ انشاء اللہ تعالیٰ کتے کا زہر ختم ہوجائے گا۔ مجرب عمل ہے۔ وہ حروف یہ ہیں:۔
ا ب ج ا ع ہ د با ب اللہ

نسیان اور بھول چوک کا مرض ختم

اگر کسی کو نسیان یعنی بھول چوک کا مرض ہوتو اس کیلئے ہر فرض نماز کے بعد تیرہ مرتبہ یہ آیت پڑھے۔ رب زدنی علما اور گیارہ مرتبہ یہ آیت پڑھ کر دونوں ہاتھوں پر دم کرکے ٹوپی اتار کر اپنے سر پر پھیرے۔

سحر، جادو، سفلی کا اثر ختم کرنا

اگر کسی آدمی یا عورت پر یا بچے، بچی پر جادو کرادیا گیا ہو جس کے سبب وہ بیمار رہتے ہوں یا ان پر جادو کے سبب پاگل پن طاری ہوگیا ہو تو اس کیلئے یہ آیات باوضو ایک چینی کی پلیٹ بغیر پھول والی پر لکھے اور ایک پانی کا مٹکا اس بارش کے پانی کا لے جو پہاڑ پر برسا ہو یعنی ایک مٹکا لے جا کر بارش کے دوران پہاڑ پر رکھ دے وہ بارش کے پانی سے بھر جائے تو اٹھاکر گھر لے آئے اور یہ مٹکا اس حالت میں لائے کہ لاتے وقت لانے والے کو کوئی نہ دیکھے۔ اسی طرح ایک مٹکا پانی اس کنویں سے بھر کر لائے جوبیکار اور ویران پڑا ہو۔ جمعہ کے دن سات درختوں سے ایک ایک پتہ ہرا لے کر آئے۔ درخت ایسے ہوں جن کے پھل ابھی تک کھائے نہ گئے ہوں‘ دونوں مٹکوں کے پانی کو ملا کر ساتوں پتے اس میں ڈال دیں اور نہر یا سمندر یا تالاب یا جھیل کے کنارے لے جاکر دونوں پاؤں لٹکا کر اس پلیٹ والی آیت کو اس مٹکے والے پانی سے دھو کر مٹکے والا پانی اپنے سر کے اوپر ڈونگے بھر بھر کر ڈالنا شروع کردے۔ جب سب پانی اپنے جسم پر بہالے تو دوسرے کپڑے پہن کر گھر آجائے۔ انشاء اللہ تعالیٰ اس عمل سے سحر، جادو، سفلی کا عمل ختم ہوجائے گا۔ وہ آیات یہ ہیں

حاسدوں سے حفاظت

اگر کوئی شخص اپنے ماحول، پڑوسی، ساتھ کام کرنے والوں، دوست، احباب، رشتہ داروں سے تنگ ہو اور وہ اسے ستاتے اور پریشان کرتے ہوں تو اس کیلئے روزانہ بعد نماز مغرب یا بعد نماز عشاء باوضو ایک سو بار یہ دعا پڑھا کرے۔ انشاء اللہ تعالیٰ ظالموں سے جلد نجات حاصل ہوگی۔ وہ دعا یہ ہے:۔

علم میں برکت اور اضافہ کیلئے

جو شخص یہ چاہتا ہے کہ وہ علم میں زیادہ سے زیادہ آگے بڑھے وہ بہت بڑا اور معتبر عالم دین بنے تو اس کیلئے اساتذہ کی خدمت اور ان کا ادب و احترام کرنے کے ساتھ ساتھ یہ دعا روزانہ کسی بھی نماز کے بعد اول وآخر گیارہ گیارہ بار درود شریف اور درمیان میں ایک سو بار یہ دعا پڑھا کرے۔ انشاء اللہ تعالیٰ علماء کرام اور اہل علم میں ممتاز عالم دین شمار ہوگا۔ یہ دعا دنیاوی علوم کیلئے بھی پڑھی جاسکتی ہے۔ وہ دعا یہ ہے:۔
رب زد نی علما۔

میری بندشیں کیسے ٹوٹیں

میری بندشیں کیسے ٹوٹیں !

محترم حضرت حکیم صاحب السلام علیکم! میں بچپن سے ہی بندشوں کا شکار رہا ہوں ۔ جب سے ہوش سنبھالا ان بندشوں سے لڑ رہا ہوں اور ساتھ روحانی علم کی پیاس بھی کہیں نہ کہیں سے بجھا رہا ہوں میں اکثر روحانی علم کی پیاس بجھانے کیلئے نیٹ پر سرچ کرتا رہتا ہوں میں نے اس موضوع پر سینکڑوں نہیں ہزاروں کتابیں پڑھی ہیں میں حیران ہوتا تھا کہ اللہ پاک نے کتنی وسیع کائنات بنائی ہے ہم جتنا بھی شکر گزار ہو جائیں کم ہے بات صرف علم حاصل کرنے کی ہے آج ہم نے بحیثیت مسلمان علم حاصل کرنا چھوڑ دیا ہے ۔ غیر مسلم روحانیت کی تحقیق ہم سے زیادہ کر جائیں یہ کیسے ہو سکتا ہے ؟ ہم فروعی اختلافات سے نکلیں گے تو کچھ اور سوچیں گے امام غزالی رحمۃ اللہ علیہ کی ایک کتاب میں ان کا واقعہ تھا فرماتے ہیں شروع شروع میں علم کی طرف بہت رغبت تھی بعد میں روحانیت کی طرف آئے تو فرماتے ہیں کہ امیں نے اللہ سے بات کی کہ یااللہ ساری زندگی لوگوں کو تعلیم دی کہ انسان کے دونوں کندھوں پر فرشتے بیٹھے نامہ اعمال لکھ رہے ہوتے ہیں ۔ یااللہ مجھے دکھا دے اللہ پاک نے ان کو دونوں فرشتے دکھا دیئے ۔ اللہ پاک ہمیں بھی ایسا شوق عطا فرمائے ایک مرتبہ نیٹ سے ایک روحانی عالم کی کتاب نکالی وہ تیس سال سے زیادہ عرصہ سے لکھ رہے تھے ان کی کتابیں پڑھیں تو بہت پسند آئیں ۔ ان صاحب کی روحانیت پر بہت تحقیق ہے ۔ پھر ان کی قرآنی عملیات اور قرآنی آیات کے عملیات کی کتب منگوائیں اس میں سورہ مومن کی آیت حم کا عمل تھا وہ ان کی اجازت سے کیا صرف ایک دن میں 2304 دفعہ شرائط جمال کے ساتھ پڑھنا تھا تو لکھا ہے کہ ایسی پراسرار قوت حاصل ہو جائیگی جس کا بیان کرنا ممکن نہیں اور غیب کی اکثر باتوں کا علم ہو جایا کرے گا اس کو کرنے کے بعد روحانی صلاحیت میں بہتری آئی اور پھر سورہ الشعرا کی پہلی آیت طسم کا عمل تھا ایک دن میں گیارہ ہزار آٹھ سو اکیاسی مرتبہ پڑھا تھا زکوٰۃ ادا ہو گئی دوائی پر دم کر دیں یا درد کی جگہ انگلی رکھ کر 28 مرتبہ پڑھ دیں تو درد فوری ختم ہو جائے گا پھر سورہ نمل کی پہلی آیت کا عمل طس کو 1587 مرتبہ تین دن پڑھا اس کی زکٰوۃ ادا ہو گئی ، یہ بھی شفائے امراض اور کائنات کے اسرار کے انکشاف کیلئے ہے ان کو دن میں ایک دفعہ دہرانہ چاہیے ۔ کہ عمل قائم رہے ۔ دوسروں کا علاج کرتا ہوں تو بہت فائدہ ہوتا ہے اب میں آتا ہوں عبقری سے تعارف کی طرف سچ پوچھیں تو جو کچھ میں چاہتا تھا کہ مجھے روحانیت کا پہلو ملے میں مغربی روحانیت سے بھی مطمئن نہیں تھا عبقری سے وہ کچھ ملا کہ اپنی منزل کا راستہ مل گیا ایسے خوبصورت اعمال ،ایسے مزیدار اور لذیذ بلامبالغہ اس جیسا تحفہ کوئی نہیں ہے ۔ سب سے پہلے ولسوف یعطیک ربک فترضی ، کی آیت والا عمل پڑھنا شروع کیا کیا زبردست اور عجیب نسخہ ہے کہ آپ نے لکھا تھا کہ عجیب کشش آ جاتی ہے اس کو پڑھ کر واقعی حرف بحرف اس کی خصو صیات دیکھ رہا ہوں ۔ آنکھوں میں ایسی کشش ہے کہ کسی چیز کو دیکھوں تو ایسے لگتا ہے وہ چیز کھینچ کر قریب آ گئی ہے دن میں چلتے پھرتے انگلیوں پر تین چار ہزار تو کم از کم پڑھ لیتا ہوں ۔بہت رکاوٹوں میں کمی آ گئی ہے  الملک القدوس والسلام یہ ناف سے نیچے کے تمام عارضوں کیلئے آپ نے بتایا تھا اس کو میں نے پڑھنا شروع کر دیا احتلام، کا مسئلہ بہت حد تک حل ہو گیا روزانہ دو یا تین ہزار پڑھ لیتا ہوں مزید اس عمل سے عبادت کا شوق بھی بہت زیادہ بڑھ گیا ہے میں نے افحسبتم اور اذان والا عمل پڑھنا شروع کردیاہے ۔ پہلی دفعہ جب میں سات دفعہ سورہ مومنون کی آخری چار آیات اور سات مرتبہ اذان پڑھ کر اپنے کانوں میں پھونکا تو نہایت گندی بدبو خارج ہوئی ، اور بعد میں کانوں میں سے ایسے حرکت ہوئی جیسے کچھ نکل کر بھاگا ہے ۔ آہستہ آہستہ بہتری آ رہی ہے ۔ روحانی عطر یاد آیا بہت بڑی نعمت ہے خوشبو کی خوشبو روحانیت کا سمندر ہے خاص کر برکت کی تھیلی پر لگانا بہت ضروری ہے جیسا کہ آپ کی تاکید ہے عبقری کی طرف بہت لمبا سفر کر کے بڑا لمبا چکر کاٹ کر آیا ہوں اسی لئے عبقری کی قدر بھی زیادہ ہے  اس سارے سفر کے دوران چین کے قدیم علوم سے بھی واقفیت ہوئی مجھے انرجی سے متعلق  تمام علوم سیکھنے کا شوق رہا سانس کی مشقوں کے ذریعے میں نے اپنے جسم میں موجود انرجی کو پاور فل بنانا شروع کر دیا ہمارے جسم کا بہت بڑا انرجی سنٹر ہماری ناف کے ایک انچ نیچے واقع ہے یہ چیز ان چائنہ کے علوم کی اساس ہے وہ تمام انرجیز کو جمع کر کے اس انرجی سنٹر میں سٹور کرتے ہیں ۔ پھر میں نے غور کیا کہ ہم جو نماز میں ہاتھ باندھتے ہیں تو ناف کے نیچے باندھتے ہیں اس کی یہ وجہ ہے شاید ہاتھ باندھ کر سورہ فاتحہ اور دیگر سورتیں پڑھتے ہیں تو وہ انرجیز جو تلاوت سے پیدا ہوتی ہیں وہ ہاتھوں کے ذریعے ہمارے اس انرجی سنٹر کو چارج کرتی ہیں ، اسی وجہ سے نماز سے انسان ہشاش بشاش ہو جاتا ہے ۔ 

کالی جادو گرنی کا جادو زائل

کالی جادو گرنی کا جادو زائل :۔

محترم حضرت حکیم صاحب السلام علیکم!عبقری رسالہ پچھلے کچھ عرصہ سے مسلسل پڑھ رہی ہوں اس کو اپنے گاؤں میں پھیلانے کی بھرپور کوشش کرتی ہوں اس میں موجود وظائف و نسخہ جات سے خود بھی فائدہ اٹھاتی ہوں اور لوگوں کو بھی بتاتی رہتی ہوں ۔ ہمارے گاؤں میں کالے جادو والے بہت زیادہ ہیں میری خواہش ہے کہ اپنے محلے و گاؤں میں عبقری کے توسط سے نیکیاں پھیلاؤں یہاں کے لوگ بھی نیک ہو جائیں ،تسبیح خانہ میں جایا کریں ۔ کالا جادو کرنے والے اور کرنے والیاں نیک ہو جائیں ہر ماہ عبقری پڑھا کریں ۔عبقری ہر ایک کے ہاتھ میں ہو اور میرے گاؤں کے ہر محلے کا ہر فرد بہت بہت اچھا اور نیک بن جائے اور ہر غلط کام کرنے والے خدا کے نیک بندے بن جائیں ۔ میری خواہش ہے کہ یہاں کی جتنی عورتیں جو قرآن پڑھنا نہیں جانتی ان کو قرآن پاک پڑھا ؤں یہ سب خیالات عبقری کے مسلسل مطالعہ کے بعد ہی میرے ذہن میں آتے ہیں ۔ اب میں آتی ہوں اصل موضوع کی طرف ہمارے گاؤں میں ایک عورت کالا جادو کرتی ہے وہ جس مرد کو چاہتی ہے اپنے جال میں پھنسا لیتی ہے پھر وہ مرد جتنی دیر وہ عورت چاہتی ہے اس کے ساتھ ہی رہتا ہے جب اس عورت کا اس مرد سے جی بھر جاتا ہے وہ اسے چھوڑ دیتی ہے۔ اس جادو گرنی نے اپنے شوہر کا بھی دماغ بند کیا ہوا ہے۔ اس کے سامنے سب ہوتا ہے مگر وہ بول نہیں سکتا تو میری دوست ج کا شوہر پہلے اس عورت کو جانتا تھا کہ یہ غلط ہے اس کے گھر کے قریب سے بھی نہیں گزرتا تھا وہ جادو گرنی اس کے پیچھے پڑی رہی کہ بات سنو ایک دفعہ میرے گھر آؤ۔ اس نے ایک مرتبہ بہانے سے گھر میں کسی کام کے سلسلے میں گلی میں کھڑے چند آدمیوں کو اپنے گھر بلایا جن میں میری دوست کا شوہر بھی تھا ۔ کچھ سامان اٹھوانے کے بعد اس نے سب کو کچھ کھلایا اور میری دوست کے شوہر کو علیحدہ سے کوئی چیز کھلائی جو اس نے ا س وقت کھا لی ۔ اس کے بعد میری دوست کا شوہر اس کے جال میں پھنس گیا اور ہر رات اس کے گھر میں گزارتا اور اپنے بیوی بچوں کو بلاتا تک نہیں تھا ۔ میں نے ا س کو یہی وظیفہ "یارب موسی یارب کلیم ﷽ "پڑھنے کو بتایا میری دوست نے تین ماہ مسلسل یہ وظیفہ پڑھا تو جادو گرنی اور اس کے شوہر کی آپس میں لڑائی ہو گئی معاملہ گڑ بڑ ہو گیا اس نے وہاں جانا چھوڑ دیا اور اپنی بیوی اور بچوں سے معافی مانگی اور اس کے گھر میں سکون آ گیا وہ اب بھی آپ کو عبقری کی ٹیم کو دعائیں دیتی ہے ۔

رشتوں کی سالہا سال پرانی بندش

 رشتوں کی سالہا سال پرانی بندش چند دنوں میں ختم:

محترم حضرت حکیم صاحب السلام علیکم!اللہ تعالی ٰ آپ کو خوش رکھے اور جزائے خیر دے ، آپ کی وجہ سے ہمیں عبقری جیسا شاندار میگزین ملا ۔ میری بڑی بہن کی شادی  کو تین سال ہو گئے شادی کے صرف پندرہ دن بعد دونوں میاں بیوی کے سر میں شدید درد رہنے لگا اور میری بہن کے تو کپڑے بھی خود بخود ایسے کٹ جاتے جیسے کسی نے قینچی سے کٹ لگا ئے ہوں ۔ وہ ہر وقت بیمار رہنے لگی ۔ بہت علاج کروایا مگر مرض بڑھتا گیا جوں جوں دوا کی والا حساب ہو رہا  تھا ۔ پھر کسی کے کہنے پر ایک بزرگ کے پاس گئے تو انہوں نے  بتایاکہ آپ دونوں میاں بیوی پر کسی نے بہت سخت جادو کیا ہے۔ انہوں نے ایک عمل بتایا جس کے کرنے سے میری بہن پر  سخت ترین جادو ختم ہو گیا ۔ وہ عمل یہ تھا کہ روزانہ 21 دفعہ منزل اور ایک مرتبہ سورہ بقرہ پڑھو وہ پڑھتی تھی تو سکون ملتا تھا ۔ شادی کے نو ماہ بعد امید سے ہوئی تو نو ماہ یہی عمل پڑ ھتی رہی تو اللہ پاک نے ایک بیٹی عطا کی ۔ پھر کچھ عرصہ  اس نے یہ عمل کر نا چھوڑ دیا تو حاسدوں نے دوبارہ جادو کر وا دیا ماشاء اللہ میری بہن عالمہ ہے اور شادی سے پہلے بھی شرعی پردہ کرتی تھی ۔ جب بیٹی نو ماہ کی ہوئی تو اس کو دوبارہ ڈپریشن ہو گیا ہر ایک کو اپنا دشمن سمجھتی تھی ۔ ہر وقت روتے رہنا ، خود کشی کی کوشش کرنا ۔ ہم اسے اپنے گھر لے آئے اور اس کا کافی ڈاکٹری علاج کروایا ۔ نفسیاتی امراض کے سپیشلسٹ ڈاکٹروں کو بھی دکھایا مگر فرق نہ پڑا ۔ پھر ایک مرتبہ عبقری میں افحسبتم اور اذان کا عمل پڑھا ۔ ہم سب گھر والوں نے روزانہ یہ عمل ہر دو گھنٹے کے بعد کیا ، صرف تین دن عمل کیا تو وہ ٹھیک ہو گئی اور اپنے گھر چلی گئی ۔
رشتوں کی بندش اور جادو ختم :۔
محترم حضرت حکیم صاحب السلام علیکم! ہم عبقری رسالہ پچھلے تقریباً ڈیڑھ سال سے مسلسل پڑھ رہے ہیں الحمداللہ ! اس رسالے سے ہمارے بہت سے طبی و روحانی مسائل حل ہو رہے ہیں ۔ ہم نے شروع ہی سے اپنے گھر میں مسائل ہی مسائل ،جھگڑے ہی جھگڑے ، دیکھے ہیں ۔ مگر جب ہمارا بھائی بڑا ہوا تو اس کی شادی کا مسئلہ کھڑا ہو گیا ، ہم نے تقریباً پانچ سال اس کے رشتے کی تلاش میں لگائے مگر اس کا اگر کہیں رشتہ ہو بھی جاتا تو منگنی تک بات جاتی اس کے بعد کوئی نہ کوئی رکاوٹ پڑ جاتی ۔ ہم نے کہیں سے پتہ کروایا تو ہمیں بتایا گیا کہ آپ کے تمام بھائی بہنوں پر شدید قسم کی بندش اور جادو کیا گیا ہے ۔ حتیٰ کہ ہمارے تمام بہن بھائیوں میں سے کسی کا بھی ر شتہ  کہیں بھی نہ ہو سکا ۔ اس دوران باقی بہن بھائیوں کے بھی رشتے دیکھے ، ایک بہن کا نکاح کیا تو سات دن کے اندر ختم ہو گیا ۔ کہیں بھی کوئی بات نہ بنی ، اگر کوئی رشتہ ہم بہنوں یا بھائیوں میں سے کسی کا آتا تو ایساخراب کے ہمیں سن کر رونا آ جاتا ۔ پھر ہم بہنوں نے ایک اخبارمیں سے دیکھ کر سورہ یونس کی آیت نمبر 81 روزانہ ایک ہزار مرتبہ پانی پر دم کر کے پڑھنا شروع کر دی اور گھر میں چھڑکنا شروع کیا 90 روز تک اس دوران بھائی کا ایک جگہ رشتہ طے ہو گیا اور اس کی شاددہ ہو  گئی اور گھر کا ماحول بھی بہتر ہونا شروع ہو گیا ۔
 ماہنامہ عبقری "اگست 2015ء شمارہ نمبر 110" صفحہ نمبر 41

بیماری ، جھگڑے ، جادو ،جنات کیلئے وظیفہ درود

بیماری ، جھگڑے ، جادو ،جنات کیلئے وظیفہ درود:

محترم حضرت حکیم صاحب السلام علیکم !  آپ کا رسالہ لاجواب اور بے مثال ہے ، جس میں دنیا کے تمام مسائل کا حل موجود ہے، آپ کی نظر کرم سے آج میں قارئین کی خدمت میں ایک ایسا عمل لے کر حاضر ہو اہوں ، جو تمام مشکلوں اور کاموں کیلئے مجرب ہے، تمام بیماریاں ، لڑائی جھگڑے، جادو،جنات کے لئے ایک ایٹم بم اور میزائل سے کم نہیں ہے جن حضرات کے باطن کی صفائی ہو وہ انوار تجلیات اور مشائدات بھی دیکھیں گے، انشاءاللہ! اس وظیفہ  کا ایک واقعہ سن لیں جو کہ حقیقت پر مبنی ہے ۔ یہ وظیفہ مجھ کو میرے استاد سے ملا تھا۔ واقعہ یوں ہوا کہ ایک دن ایک مریضہ جس کو آسیب وغیرہ تھا وہ میرے استاد سے دم کروانے آئی ، جب استاد نے دم کیا تو حاضری ہو گئی ، تھوڑی دیر کے بعد جنات بھاگ گئے۔ مریض دم والا پانی ، تعویز اور کچھ چیزیں  لے کے گھر چلے گیے۔ دو دن کے بعد اتوار کو صبح کے وقت لڑکی پر پھر حاضری ہو گئی ، آنکھیں باہر کو نکل آئیں ، چہرہ پر کشش اور نورانی سا ہو گیا جب باہر گئی تو گلی میں جھگڑا ہو رہا تھا ، پتہ نہیں کیا معاملہ تھا کہ سب لڑکے ایک دم ادھر ادھر گر گئے ۔ بعد میں محلے میں مشہور ہو گیا کہ اس لڑکی میں جن آتا ہے ، مائیں اتوار کو بچوں کو گھروں سے نہ نکلنے دیتیں ، پھر وہ استاد کے پاس لے کر آئے، کافی افراد تھے ۔ استاد نے پڑھائی کی تو جن حاضر ہو گیا اور بتایا کہ میرا نام یوسف ہے ، میں عیسائی ہوں ، اردن شہر میں ہماری حکومت ہے، میری والدہ پورے ملک اردن پر حکومت کرتی ہے اور بہت کچھ بتایا ۔ چند نسخہ وغیرہ قرآنی بعد میں لکھ کر دیے، تعارف کے بعد استاد نے پوچھا کہ اس لڑکی کو چھوڑنا ہے یا نہیں ؟ یوسف نےکہا کہ نہیں میں اس کے بالوں پر عاشق ہوں ، مقابلہ شروع ہو گیا، یوسف مکاشفہ عیسائیت پڑھتا تھا جس کے پڑھنے سے بڑے بڑے عاملوں کے چھکے چھوٹ جاتے ہیں مگر استاد سات یا گیارہ مرتبہ یہ وظیفہ پڑھ کر انگلیوں پر دم کر کے اس کے ماتھےپر پھیر دیتے۔ چالیس منٹ کے بعد اس نے منہ پر ہاتھ رکھ کر کہا کہ حافظ صاحب پڑھائی بند کر دو، استاد نے کہا کہ بات مان لو مگر اس نے انکار کر دیا اور پھر مقابلہ جاری ہو گیا ۔  یوسف حیران ہو گیا کہ میری سب سے طاقتور پڑھائی اس کے ہاتھ پھیرنے سے ضائع ہو جاتی ہے ۔ دس منٹ بعد یوسف نے ہار مان لی، مگر اندر سے ڈر گیا اور کہنے لگا کہ میری والدہ مسلمان ہونے پر راضی نہیں ہے۔ میں والدہ کی حکم عدولی نہیں کر سکتا ہوں مگر میں آئندہ اس لڑکی کو تنگ نہیں کروں گا۔ پھر لڑکی پانی تعویز وغیرہ لے کر چلی گئی ۔دو مہینے کے بعد پھر آنا جانا شروع کر دیا ۔ اس نے مئو کلات سے کہا کہ سب کو اٹھا لاؤ، مئوکلات نے پتہ کر کے بتایا کہ وہ تعداد میں ہم  سے دگنے ہیں ۔ استاد کے حکم سے جنات و موکلات نے ایسی وردی پہنی جس سے جنات ، جنات کی نظر سے غائب ہو جاتے ہیں ، بعد میں جاکر اردن ملک کے اردگرد بیٹھ گئے اور دو دن کے بعد کامیابی کے ساتھ واپس آئے۔ پھر استاد نے اس عمل کی بدولت تمام جنات کو واصل جہنم کر دیا ۔ بعد میں  چند دن کے بعد لڑکی ہمیشہ کیلئے تندرست ہو گئی ۔ اب عمل ملاحظہ فرمائیں۔
سب سے پہلے علیحدہ کمرے میں بیٹھ کر اگر بتی وغیرہ جلائیں ۔سورہ فائحہ ، آیتہ الکرسی ، چاروں قل تین تین مرتبہ پڑھ کر حصار بنائیں ۔ پھروظیفہ3333 مرتبہ پڑھیں ، پڑھنے کے دس گیارہ منٹ کے بعد حصار  سےنکل آئیں ۔ کمرا ،الگ ہو جائے نماز تسبیح اور وقت مقرر ہو ۔ سود والے گھر کی چیز اور کھانا سختی سے منع ہے ۔ ہر  قسم کا گوشت بھی چالیس دن تک سختی سے منع ہے۔چالس دن کے بعد روزانہ ایک سو ایک مرتبہ بعد نماز عشاء ورد میں رکھیں ۔ یہ عمل تب کریں جب سب سو جائیں رات د س  بجےکے  بعد گھبرانا نہیں ہے ۔ انشاءاللہ آپ خود دیکھیں گے کہ ززندگی کیسے ذلتوں سے نکل کر سکون و آرام میں بدل جائے گی ۔ ہر کام کے لئے حسب منشاء دم سے یا تعویز بنا کر استعمال میں لائیں ۔
صَلَّی اللہُ عَلٰی حَبِیْبِہِ سَیِّدِ نَا مُحَمَّدِِ وَ اٰلِہِ وَ صَحْبِہِ وَسَلَّمَ
 اللہ پاک ہم سب کو اس وظیفے سے فیض حاصل کرنےکی تو فیق عطا فرمائے ۔ آمین !
 ماہنامہ عبقری "اگست 2015ء شمارہ نمبر 110" صفحہ نمبر26

رشتوں کی بندش کھولنا

رشتوں کی بندش کھولنا

اگر رشتوں کی بندش لگا دی گئی ہو اور لڑکا لڑکی بوڑھے ہو رہے ہوں جہاں بات لگتی ہے انکار ہو جاتاہے ۔ اول تو رشتے آتے نہیں ہیں ، اور اگر آتے ہیں تو واپسی جواب نہیں ملتا ۔ ایسی صورت میں سورہ والتین مکمل روزانہ باوضو ساٹھ مرتبہ بعد نماز فجر پڑھیں ، چالیس دن عمل کریں انشاءاللہ تعالیٰ چالیس دن کے اندر اندر کام ہو جائے گا ۔
 ماہنامہ عبقری "اگست 2015ء شمارہ نمبر 110" صفحہ نمبر11

جادو سے چھٹکارا کا آزمودہ وظیفہ

جادو سے چھٹکارا کا آزمودہ وظیفہ :

 محترم حضرت حکیم صاحب السلام علیکم !اللہ تعالی آپ کو خوش رکھے اور جزائے خیر دے آپ کی وجہ سے ہمیں عبقری ملا ۔ میری بڑی بہن کی شادی کو تین سال ہو گئے شادی کے پندرہ دن بعد دونوں میاں بیوی کے سر میں درد رہنے لگا ۔ اور بہن کے کپڑے بھی کترے گئے ۔ ہر وقت بیمار رہتے ، کسی بزرگ نے بتایا کہ جادو ہے 21 دفعہ منزل اور سورہ بقرہ پڑھو وہ پڑھتی رہی تو سکون ملا ۔ شادی کے 9 ماہ بعد امید سے ہوئی تو اللہ پاک نے بیٹ سے نوازا حمل کے دوران بھی یہی وظیفہ پڑھتی رہی۔ (محمد عبداللہ)