ناک میں نمک ملا پانی
ڈالنے کے فوائد :۔
زیادہ تر لوگوں کو Neti Pot پول پہلی بار استعمال کرنے سے ڈر لگتا ہے ۔شروع
میں نمک ملا پانی ڈالنے کا خیال عجیب محسوس ہوتا ہے لیکن آہستہ آہستہ جب اس کے
فوائد سامنے آتے ہیں تو اس کی افادیت کا احساس ہوتا ہے ۔ میرے ماموں فاروق احمد جو
شیخوپورہ کے رہائشی ہیں وہ تقریباً آٹھ مہینے سے باقاعدگی کے ساتھ دن میں دو مرتبہ Neti Pot کا استعمال کرتے ہیں ۔ انہیں بچپن سے
Sinus اور گلے میں کیرا گرنے
کی شکایت کی وجہ سے انہیں ڈاکٹر مسلسل اینٹی بائیوٹک ادویات تجویز کرتے رہے بہت سال
نزلے زکام اور گلا خراب رہنے کے باعث انہیں یہ ادویات مسلسل استعمال کرنا پڑتی
تھیں۔ بہت سے سپیشلسٹ ڈاکٹروں سے علاج کے
باوجود ان کا یہ دیرینہ مسئلہ حل نہیں ہوا مستقل اینٹی بائیوٹک کے استعمال کرنے سے
انہیں وقتی فائدہ تو حاصل ہوتا مگر جونہی دوائی چھوڑتے تو پھر سے وہی مسئلہ شروع
ہو جاتا ۔ یہاں تک کہ اتنے مسلسل استعمال کے بعد دوائیوں نے اثر کرنا چھوڑ دیا ،
پھر انہیں انٹرنیٹ پر سرچ کے دوران Neti Pot کے بارے میں پتہ چلا ۔
ویب سائٹ پر Neti Pot کے طریقہ استعمال اور
غیر ملکی افراد کے مشاہدات پڑھنے کے بعد انہوں نے بھی اسے استعمال کرنا شروع کیا
اور حیرت انگیز فائدہ حاصل کیا ۔ انہوں نے بتایا کہ اس کے مسلسل استعمال سے انہیں انیٹی بائیوٹک ادویات
سے نجات حاصل ہو گئی اور اپنی صحت سے بہت مطمن ہیں اس کے استعمال سے ان کا نزلہ،
زکام ،گلے کی خرابی ، کیرا گرنے اور سانس لینے میں دقت جیسے مسائل ختم ہو گئے ،۔
انہوں نے اپنے کئی دوستوں کو بھی اس کے استعمال کا مشورہ دیا آٹھ دس لوگوں نے اپنے
مشائدات بیان کیے کہ سانس کی بد بو دور ہو گئی اور ہر وقت ناک بند رہنے کی شکایت
بھی ختم ہو گئی۔ چند افراد نے اپنے بیوی بچوں کو بھی استعمال کروانا شروع کیا تو
انہیں بھی بے شمار فوائد حاصل ہوئے ایک شخص نے یہ بھی کہا کہ اس کا اتنا پرانا Sinus ٹھیک ہو گیا اور وہ اس
خوشی میں پورے لاہور کو مٹھائی بانٹنا چاہتا ہے کیو نکہ پہلے وہ بہت مایوس اور ناامید
ہو چکا تھا کہ اس کی یہ بیماری کبھی ٹھیک نہیں ہو سکتی جب میرے ماموں دو ماہ پہلے
دبئی گئے تو وہاں Neti Potمیڈیکل سٹور پر
برائے فروخت موجود تھا اور اکثر لوگ اسے استعمال کر کے بے انتہا فوائد حاصل کر رہے
ہیں جس طرح ٹوتھ برش دن میں دو مرتبہ استعمال کیا جاتا ہے اسی طرح بہت سے مغربی
اور عرب ممالک میں ہزاروں افراد اس کا باقاعدگی سے استعمال کرتے ہیں ماموں جان
کے بتانے پر امی جان نے بھی تقریباً پندرہ
سال سے الرجی کی وجہ سے شدید نزلہ زکام اور چھینکوں کی شکایت تھی بہت علاج کروانے
اور مسلسل ادویات کے استعمال کے باوجود یہ مسئلہ برقرار تھا ۔ تاہم Neti Pot کے استعمال سے انہیں بہت افاقہ ہے اور انہوں نے
اپنے کئی جاننے والو کو بھی Neti Pot سے متعارف کروایا ہے ۔ انٹر نیٹ پر بے شمار
لوگوں نے اپنے تجربات و مشاہدات بیان کیے ہیں جن میں چند بیان کر رہی ہوں ۔
1. میں
تقریباً تین سال کے عرصے سے Sinus کا علاج بے شمار ڈاکٹروں
سے کروا کر تنگ آ چکا تھا ۔ مجھے ایسا لگتا تھا کہ میری قوت مدافعت نے کمزور ہو کر
اپنا کام بند کر دیا کیونکہ مجھے فرق نہیں پڑ رہا تھا میرے ایک دوست نے مجھے Neti Pot کا بتایا ۔ اور اس کے
استعمال کے بعد مجھے لگا کہ میں واقعی سانس لے رہا ہوں اور اس رات میں سکون سے
سویا ۔ میرے بیٹے کو بھی بہت پرانا Sinus انفیکشن
ہے اس کی عمر چھ سال ہے اور اسے استعمال کے بعد حیرت انگیز فائدہ حاص ہوا ہے ۔
نیٹی پوٹ کیا ہے :۔ نیٹی پوٹ بنانے کیلئے ایک دو اونس 60ملی لیٹرنوزل
والی سرنج لیں۔ اس کی نوزل دو انچ لمبی ہوتی ہے اس کی آدھی نوزل ایک انچ دندانے
والہ چھری سے کاٹ لیں ۔ جہاں سے کاٹا گیا
ہے وہاں ریگمال سے ہموار اور ملائم کر لیں تاکہ اس کا یہ حصہ کھردرا اور نوکیلا نہ
رہے اب ڈاکٹری استعمال میں آنے والی آدھ انچ کی ٹیپ لیں جہاں سے نوزل کاٹی ہے اس
کے برابر میں رکھ کر اس کے گرد ٹیپ اتنی لپیٹیں کہ جب اس کو ناک میں داخل کریں تو
نتھنے میں پیک اور پھنس کر آئے ( عموماً پانچ یا چھ مرتبہ ٹیپ کو نوزل کے گر
لپیٹنا کافی ہوتا ہے ) لیجئے آپ کا نیٹی پوٹ تیار ہے ۔
طریقہ استعمال :۔ آدھ لیٹر پانی لیں اس کو تین سے پانچ منٹ تک
ابالیں ، جب پانی نیم گرم رہ جائے یعنی نہ زیادہ گرم اور نہ زیادہ ٹھنڈا ہو تو اس
میں ایک چمچ سادہ نمک (آئیو ڈین ملا نمک نہ ہو ) ملا کر اچھی طرح ہلا لیں تاکہ نمک
پانی میں اچھی طرح حل ہو جائے اس پانی سے سرنج کو بھر لیں ، اب بیسن یعنی ہاتھ منہ
دھونے والے سینک کے پاس اپنا سر اس طرح رکھیں کہ آپ کی گردن ایک طرف تھوڑی سی جھکی
ہوئی ہو اور آپ کی آنکھیں نیچے بیسن کی طرف دیکھ رہی ہوں اپنے سر کو اس طرح
جھکائیں کہ آپ کا دایاں نتھنا بائیں نتھنے کے بالکل اوپر ہو ۔ اب آرام سے نوز ل
دائیں نتھنے میں تھوڑا اوپر کر کے ڈالیں تاکہ پانی جب اس میں جائے تو اس نتھنے سے
پانی کی لیکج نہ ہو منہ کھول کر سانس لینے کا عمل جاری رکھیں اس سے سانس کی گزر
گاہ میں کوئی رکاوٹ نہیں آئے گی اور پانی ناک سے ہو کر منہ میں نہیں جائے گا اب
سرنج کو نیچے سے اوپر کی طرف دبائیں تاکہ سرنج میں موجود پانی آہستہ آہستہ پریشر
کے ساتھ دائیں نتھنے میں اوپر کی طرف جائے کچھ ہی سیکنڈز میں قدرتی طور پر پانی آپ
کے بائیں نتھنے سے گزرتا ہوا نیچے سنک میں گرے گا جب سرنج خالی ہر جائے تو نوزل کو
اپنے دائیں نتھنے سے نکال لیں اور سانس
ناک سے باہر نکالیں اور ناک صاف کر لیں بائیں نتھنے میں بھی اسی طرح عمل کریں یہ
عمل دو دفعہ بائیں اور دو دفعہ دائیں
نتھنے میں کریں اس سارے عمل میں تین سے پانچ منٹ لگتے ہیں ۔
ہدایات:۔ ہر مرتبہ استعمال کے بعد اپنے نیٹی پوٹ یعنی سرنج کو اچھی طرح دھو کر رکھیں
۔ نوزل پر لگی ٹیپ کو ایک ہفتے بعد تبدیل کر لیں اپنا نیٹی پوٹ کسی اور کے ساتھ ہر گز شیئر نہ کریں ۔ ہر آدمی کا
اپنا نیٹی پوٹ
ہونا چاہیے ۔ شروع شروع میں نمک کا آدھا چمچہ پانی میں ڈالیں بعد میں آہستہ آہستہ
مقدار بڑھاتے چلے جائیں اگر آپ کی جلد حساس ہے تو نوزل کو ناک میں ڈالنے سے پہلے
دونوں نتھنوں میں پٹرولیم جیل کی ہلکی سی
تہہ لگا لیں ۔
ضرورت اشیاء :۔ سرنج ، نیم گرم
پانی، نمک سادہ ۔
فائدہ :۔ اس تمام عمل سے
ان بیماریوں سے یقینی نجات ملتی ہے نزلہ ، زکام ،۔ خشک کھانسی، ناک کی خشکی ،
الرجی، ناک کا خارش اور انفیکشن ، اس کے علاوہ ناک کی جھلی کی سوجن بھی کم کرتا ہے
۔
