قارئین کی خصوصی اور
آزمودہ تحریریں :۔
محترم حضرت حکیم صاحب السلام علیکم! یہ واقعہ میری بیٹی نے
مجھے سنایا میری بیٹی اسلامک یونیورسٹی میں پڑھتی ہے ۔ وہ مجھے کہنے لگی کہ ہمارے
ساتھ کچھ چائینز لڑکیاں بھی پڑھتی ہیں ۔ اور وہ اس قدر خدا ترس ہیں کہ ایک دن میں
اور میری دوست ہاسٹل سے تیار ہو کر یونیورسٹی
جا رہی تھیں جس راستے سےہم جاتی تھیں وہاں راسے میں ایک کتے کا چھوٹا سا
بچہ مرا ہوا پڑا تھا اورہم اپنے آپ کو بچا کر بڑے دھیان سے ناک پر ہاتھ رکھ کر
جلدی سے وہاں سے گزر رہی تھیں ۔ کہ ادھر سے دو چائینز لڑکیاں بڑی فٹ فاٹ تیار تھیں
، یعنی جینز جاگرز وغیرہ پہنے ہوئے اور وہ گزر رہی تھی کہ ان کی نظر بھی اس کتے کے
بچے پر پڑی ۔انہوں نے فوراً ایک درخت سے چھوٹی سی ٹہنی توڑ ی اور زمین کھودنی شروع
کر دی ۔ پہلے تو ہمیں سمجھ نہ آئی ، اور پھر جب سمجھ آئی تو ہمارے میں بھی جزبہ
جاگ اٹھا اورہم ہاتھوں سے شروع ہو پڑے ، اور ایک گڑھا تیار کیا ۔ ادھر ساتھ ہی اس
کتے کی ماں بھی پاس آ کر کھڑی ہو گئی ، ان چائینز نے ان ٹہنیوں کے ساتھ بڑے آرام
سے اس کتے کے بچے کو گڑھے میں ڈالا اور اس کے اوپر مٹی ڈال کر دبا دیا اور کتے کی
ماں سارا وقت پاس کھڑی رہی، یہ میرے بچے کے ساتھ کیا کریں گی ؟ چائینز نے اس بچے
کو دفن کرنے کے بعد بڑے پیار سے اس کتیا پر ہاتھ پھیرا جیسے اسے دلاسا دے رہی ہوں
اور کتیا انہیں یوں شکریہ ادا کرنے والی نظروں سے دیکھ رہی تھی اور میری بیٹی
بتاتی ہے کہ امی ! ان کا یہ کام مجھے بھلا ئے نہیں بھولتا کہ ان لڑکیوں نے اس کتے
کے بچے کو دفن کیا ہے۔ لیکن جس طرح طریقے سے کتیا کے ساتھ افسوس اور ہمدردی کا
اظہار کیا ہے کہ جیسے ہم انسانوں سے کرتے ہیں ۔ اللہ پاک ان سے کتنا خوش ہوئے ہوں
گے اللہ پاک ان کو اس کا اجر ضرور دے گا اور ہمیں بھی ایسا کام کرنے کے توفیق عطا
فرمائے یہ واقعی میرے اپنے گھر کا ہے میری دیورانی اور میں جو ایک گھر میں رہتے
ہیں اوپر والی منزل پر میری دیورانی اور بچے رہتے ہیں ، وہ کافی عرصہ سے ایک اونچی
دیوار پر ایک بڑے سے پیالے میں روزانہ بچی ہوئی روٹی توڑ کر اور ڈبل روٹی کے پیس
وغیرہ بچے ہوئے چاو ل وغیرہ اس پیالے میں ڈال دیتی ہے۔ اور پرندے خاص کر کوے وہاں
آتے ہیں اور سارا دن پیالے سے کھاتے رہتے
ہیں ۔ ایک دن کوؤں نے مار کر پیالہ دیوار سے نیچے گرا دیا اور ٹوٹ گیا۔ تو اس نے
وہاں کھانا رکھنا چھوڑ دیا ، اس نے خواب میں دیکھا کہ ایک کوا آیا ہے اور اس کے
بازو پر بیٹھ گیا ہے ، اور اس کی ٹانگ ٹوٹی ہوئی ہے اور وہ اسے اس کے ہاتھ میں
دیتا ہے کہ اسے جوڑ دو اور وہ خواب میں اس کی ٹانگ جوڑ دیتی ہے ۔تو اس نے مجھے
خواب سنایا کہ باجی یہ مجھے کیسا خواب آ یا ہے ؟ تو میں نے اس سے کہا کہ تم وہاں
پر کوئی برتن رکھ کر اس میں پہلے کی طرح کھانا رکھا کرو ، کیونکہ جب سے برتن ٹوٹا
تھا روز کوے آ کر شور مچاتے تھے آخر خواب میں آ کر انہوں نے یاد دہانی کروا دی ہے
اور اس نے دوبارہ وہ کام شروع کر دیا اور پرندے روز آتے ہیں ۔
ہیپا ٹاٹئس سے نجات
کیسے ملی:۔
محترم حضرت حکیم صاحب السلام علیکم! سب سے پہلے تو ہمیں یہ
سمجھ میں نہیں آتا ہم کس طرح آپ کا شکریہ ادا کریں الفاظ ساتھ نہیں دے رہے نہ ہی
کچھ سمجھ آ رہا ہے ۔ کیا لکھو ں! عبقری سے ہمارا تعارف سات ماہ پہلے ہوا ، ہوا کچھ
یوں کہ میرے کچھ گھریلو حالات خراب ہوئے اس دوران
میرے کزن جو کہ کراچی میں رہتے ہیں انہوں نے نیٹ سے مجھے آپ کے کچھ وظائف انمول خزانے والا وظیفہ دیا ۔ جو میں ہر نماز کے
بعد پڑھتی تھی اور کزن نے یہ بھی بتایا کہ ایک میگزین عبقری بھی آتا ہے ۔ بہر حال
انہوں نے مجھے ایک نمبر بھی دیا میں نے وہاں فون کیا ان صاحب سے میں نے پوچھا
بھائی کیا حکیم صاحب خط کا جواب دیتے ہیں انہوں نے کہا ہاں بہن بالکل جواب دیتے
ہیں ، ان سے میں نے کہا بھائی میرے پاس ایڈریس وغیرہ کچھ بھی نہیں آپ مجھے میرے
نمبر پر ایڈریس بھیجیں ۔ انہوں نے مجھے ایڈریس بھیجا ۔ میں نے اللہ پاک کا نام لے
کر حکیم صاحب کو خط لکھا ۔ الحمد اللہ! انہوں نے جوا ب بھی بھیجا چند وظیفے بھی دیئے
۔ جو میں پڑھ رہی ہوں ۔تب ہمیں پتہ چلا ماشاءاللہ حکیم صاحب کی اتنی کتابیں بھی
ہیں ۔ پھر میرے بھائی نے عبقری منگوایا ۔ اب ہر مہینے عبقری ہمارے گھر آتا ہے میں
نے اس تحریر میں اپنی کہانی اس لیے لکھی ہے کیونکہ میری کہانی کی وجہ سے ہی ہمیں
عبقری اور حضرت حکیم صاحب جیسے نیک دل بزرگ کا پتہ چلا ۔۔ جب اس ماہ کا عبقری
ہمارے پاس آیا تو اس میں ہیپا ٹاٹئس نجات سیرپ جس کی دس بوتلوں کا مکمل کورس کا
تعارف تھا ۔ میری امی کو ہیپا ٹاٹئس تھا بہت علاج کروایا لاکھوں خرچ کیے مگر کوئی
فائدہ نہیں ہوا امی کو سر درد بخار معدے کا درد امی بہت بیمار تھیں ۔ ہم نے اللہ
پاک کا نام لیکر عبقری کے دفتر فون کیا، پہلے پانچ بوتلیں منگوائیں ۔ امی نے پینی
شروع کیں امی تیزی سے صحت یاب ہو رہی تھیں بخار ، سر درد سب ختم ! پورا مکمل کورس
کیا ۔ اس دوران عبقری میں ایک بہن نے بھی دو وظیفے بتائے تھے یرقان کے سورہ عم پارہ 30 سات دفعہ پانی پر دم کر کے پیے اور سورہ تغابن تین دفعہ معدہ اور پیٹ پر دم کرے ۔
پابندی کے ساتھ ، ہم نے وہ بھی کیا ، پھر ایک علاج بھی تھا ہم نے وہ بھی کیا ۔
ھوالشافی:۔ مکو 24 گرام، سونف 12 گرام ۔ کاسنی کے بیج 24 گرام ، شربت دینار
دو چمچ ، اس کی ترکیب یہ ہے کہ ایک کلو پانی لیں اوپر کی تینوں چیزیں پکنے کیلئے
رکھ دیں جب ایک کپ رہ جائے تو نیچے اتار کر شربت دینار ملا کر نیم گرم پی لیں ۔
صبح ناشتے سے دو گھنٹے بعد اور شام کو کھانے سے دو گھنٹے پہلے پندرہ دن استعمال کر
بعد ٹیسٹ کروالیں انشاءاللہ افاقہ ہو گا ۔ ہم نے سب کچھ کیا جب امی نے مکمل علاج
کے بعد ٹیسٹ کروائے ہماری خوشی کی تو انتہا نہ رہی رپورٹ بالکل صاف تھی کچھ بھی
نہیں تھا ۔ وہاں ایک بندہ تھا انہوں نے بھائی کو کہا آپ نے کون سا علاج کروایا
تھا۔ بھائی نے سب بتایا ہم نے اللہ پاک کا شکر ادا کیا ۔
کلمہ طیبہ اور کلمہ شہادت کا
ورد:۔
آج سے تقریباً سات
آٹھ سال پہلے جمعہ کے خطبہ میں ایک بزرگ نے فرمایا کہ جب کوئی انسان خلوص کے ساتھ
کلمہ طیبہ پڑھتا ہے اور کلمہ شہادت پڑھتا ہے تو اللہ پاک اس کے سارے گناہ معاف فرمادیتے
ہیں ، اور چار ہزا ر نیکیاں اس کے نامہ اعمال میں لکھ دی جاتی ہیں ۔ میں ذاتی طور پر کسی بھی مشکل کے وقت اپنے آپ
کو گناہوں کی غلاظت میں محسوس کرتا ہوں اس لیےکلمہ طیب اور کلمہ شہادت پڑھتا ہوں
اور ذہن اور دل میں یقین کرتا ہوں کہ اب میں پاک صاف ہو گیا اور گناہوں کی نحوست
سے دور ہو گیا اور نیکیوں کی بہار میں ہوں ۔ اس کے بعد تین مرتبہ اور ہر مرتبہ اول
میں ﷽ اور اس کے بعد انا للہ وانا الیہ راجعون
پڑھتا ہوں ۔ اور یقین کے درجے میں رکھتا ہوں کہ میرا اللہ
پاک میری دست غیب سے بہترین انداز میں دستگیری کرے گا اور عنایت کرے گا ایک دفعہ
میرے گھر کا کچھ حصہ میں مرمتی کام چل رہا تھا اور دوسرے مستری مزدور بھی تھے ۔
ظہر کے بعد میں قریبی شہر گیا اور مغرب کے بعد لوٹا تو وہ الیکٹریشن اور مستری
مزدور بھی تھے ۔ میں نے کہا بھائی آپ اپنے گھر نہیں گئے تو کہنے لگا کہ میرے پیسے
اور کارڈ وغیرہ یہاں گر گئے ہیں آپکی اوطاق میں اور کسی نے اس کو اٹھا لیا ہے ۔ اس
لیے آپ کا انتظار کر رہا تھا ۔ میں نے مستری صاحب سے اس کے مزدوروں کے بارے میں پوچھا تو اس نے بتایا کہ
وہ تو سب چلے گئے ہیں ۔ میں نے الیکٹریشن کو کہا بھائی ۔ آپ بھی اللہ سے مانگیں
میں بھی مانگتاہوں ۔ میں نے اوپر بیان کیا عمل پڑھا اور دل میں اپنے مسلمان بھائی
کے نقصان پر افسوس بھی کیا ۔ ہم دونوں نے خوب ذکر کیا تو اگلی صبح اس الیکٹریشن کے
پاس اور کارڈ وہیں قریب سے مل گئے حالانکہ کل کافی وقت وہ اسی جگہ ڈھونڈ تا رہا
تھا ۔
کلونجی کے تجربات :۔
دوران ملازمت شدت کے ساتھ اور اس سے پہلے اپنے مقام حیدر
آباد میں درمیانی سطح کے ساتھ سانس لینے میں بہت تکلیف ہوتی تھی ۔ اور سر میں درد
کی لہریں بھی اٹھتی تھیں اس کیلئے بہت ہی ماہرین حضرات سے علاج کرایا مگر رزلٹ
نیکسٹ ٹو ناٹ پھر آکو پنکچربھی کراچی کے ایک مشہور کلینک سے کرایا ۔مگر کوئی خاص فائدہ
نہ ہوا اس کے علاوہ بہت ہی اور مسائل میں جکڑا ہوا ۔ کسی کام کے سلسلے میں لاہور
آیا وہاں محترم حضرت حکیم صاحب ، سے ملاقات بھی ہو گئی ۔ وہاں سے ان کی ایک کتاب
کلونجی کے کرشمات ملی ۔ اس میں سے میں نے سب سے آسان نسخہ کلوجی کا قہوہ جس میں
کبھی کبھی برگ بانسہ بھی تھوڑ ا ملاتا تھا پینے کیلئے شروع کیا ۔ دوران ملازمت
سعودی عرب میں بھی میرے دفتر میں چائے کے وقت یہی معمول تھا ۔ الحمدللہ ! میرا
اوپر بیان کیا ہوا سارا مسئلہ اللہ پاک نے حکیم صاحب کے اخلاص کے طفیل حل کر دیا۔
وتر نماز کے بعد ایک
مجرب عمل:۔
محترم حضرت حکیم
صاحب السلام علیکم! یہ عمل ہماری ٹیچر نے تحفہ کے طور پر دیا اور سب طالبات نے اس
کو نوٹ کرلیا ،آج تک میں پابندی سے یہ عمل کرتی ہوں عمل رات عشاء کی نماز میں وتر
نماز کے بعد دو سجدے اس طریقے سے کریں کہ پہلے سجدے میں پانچ بار سبوح قدوس ربنا ورب المئکۃ والروح پڑھیں ۔ پھر بیٹھ کر دونوں سجدوں کے درمیان ایک بار آیۃ
الکرسی اور پھر دوسرے سجدے میں اس طرح درج بالا الفاظ پڑھیں ، اس طرح دو سجدوں کے
اندر دس بار اور دو سجدوں کے درمیان ایک بار آیۃالکرسی پڑھی جائے گی۔ فضیلت اس کی
یہ ہے کہ اس وظیفہ کو پڑھنے والا جائےنماز پر بیٹھتا ہے اٹھنے سے قبل اللہ پاک کی
رحمت کا نزول اور ستر فرشتے اس کیلئے دعائے مغفرت کرتے ہیں اور اس کے گناہ معاف ہو
جاتے ہیں اور کلمہ طیبہ نصیب ہوتا ہے اور شہادت کی موت نصیب ہوتی ہے جو اس کے
پڑھنے کے بعد دعا مانگتا ہے تو اللہ پاک کے دربار عالیہ میں قبول ہوتی ہے بشرطیکہ
اخلاص نیت سے عمل کرے ۔
