مسئلہ حل اور بھائیوں کا رشتہ ہوگیا

السلام علیکم! اللہ تعالیٰ آپ کو ہمیشہ خوش وسلامت رکھے‘ رہتی دنیا تک عزت دے۔ آمین! گزارش ہے کہ میں نے تین مہینے پہلے آپ کو خط لکھا تھامیرے بھائی کی شادی کا مسئلہ تھا‘ آپ نے مجھے پڑھنے کیلئے بہت ہی لاجواب وظیفہ دیا تھا جس سے نہ صرف میرے بھائی کی نوکری لگ گئی اور میرے بھائی کا بہت ہی اچھے گھرانے میں رشتہ بھی پکا ہوگیا ہے بلکہ اس وظیفے کی برکت سےمیرے دوسرے بھائی کا بھی رشتہ طے ہوگیا اور دونوں بھائیوں کی نو مہینےبعد شادی بھی ہے‘ یہ سب کیسے ہوا ہمیں سب کچھ بس خواب ہی لگ رہا تھا‘ اس وظیفہ کے دوران مجھ پر بہت مصیبت آئی‘ خواب میں جنات سے لڑتی‘ نامعلوم مجھ میں لڑائی کیلئے کہاں سے طاقت آتی؟ ہر لمحہ اللہ تعالیٰ نے میری مدد کی‘ میں نماز پڑھتی تو باتھ روم کی گندی بدبو آتی اور اتنی آتی کہ میں بیہوش ہونے کے قریب ہوجاتی‘ قرآن پڑھتی تو گندی بہت ہی گندی بغل کی بدبو آتی تھی جو میری برداشت سے باہر ہوجاتی‘ مجھے خواب میں میری فتح کے سچے اشارے ملتےتھے اور خواب میں کثرت کے ساتھ سورۂ فاتحہ‘ سورۂ اخلاص اور سورٔ ناس پڑھتی تھی اور خواب میں مجھے اشارہ ملا کہ اپنے گھر میں مخصوص مت رہو کہیں ملنے والوں میں جایا کرو‘ پھر میں نے ایک باجی کے پاس جاکر قرآن پاک ترجمہ کے ساتھ دوبارہ پڑھنا شروع کردیا‘ جب مجھے بدبو آتی تھی میری طبیعت خراب ہوجاتی تھی‘ میرے سر میں بہت ہی شدید درد ہوتا تھا‘ ایسے لگتا تھا کہ میں اب مرجاؤں گی اور میں خواب میں جنات سے لڑائی کے بعد صبح جب سو کر اٹھتی تھی تو میرے جسم میں بہت زیادہ کمزوری ہوتی تھی میں اپنے آپ کو بہت زیادہ کمزور محسوس کرتی تھی پر اللہ کا شکر ہے میں آج بالکل تندرست ہوں‘ اللہ نے ہمیں سچی خوشی عطا فرمادی‘ یہ سب آپ کی دعا اور آپ کے دئیے وظیفہ کی برکت سے ہوا‘ اللہ آپ کو خوش رکھے اور لمبی زندگی عطا فرمائے۔ مجھے یاد ہے جب میں نے پہلی مرتبہ عبقری ایک سٹال پر دیکھا اور دیکھتے ہی اس کی عقیدت میرے دل میں بیٹھ گئی تھی اور جب میں نے اس شمارے کا مطالعہ کیا تو آپ سے ملاقات کا شوق بڑھا‘ ملاقات تو نہ ہوسکی مگر بذریعہ خط جب آپ کا جواب ملا تو میرے دل میں آپ کی عقیدت اور بھی زیادہ ہو گئی‘ مجھے لگا جیسے آپ کا ہاتھ میرے سر پر ہے اور میں ہر مصیبت سے نکل جاؤں گی‘ جب سے آپ کا دیا وظیفہ پڑھنا شروع کیا واقعی ہم مصائب سے نکلنا شروع ہوگئے‘ میری زندگی میں بہت حاسدین اور دشمن ہیں جو مجھ پر جادو کرتے ہیں مگر اب اللہ کی سچی مدد میرے ساتھ ہے اور میں ان شاء اللہ زندگی میں کامیاب ہوجاؤں گی۔جو وظیفہ آپ نے مجھے اور میرے بھائی کو پڑھنے کیلئے بتایا تھا وہ یہ ہے:۔

اول و آخر تین مرتبہ درودشریف کیساتھ 

 اس کے علاوہ مغرب یا عشاء میں سورۂ آل عمران کی پہلی دوسری اور تیسری آیات 313 مرتبہ پڑھنی ہیں۔ ان آیات کی برکت سے میرے دونوں بھائیوں کے رشتے بہت ہی اچھے گھرانے میں ہوگئے ہیں اور اللہ سے دعا ہے کہ شادی بھی خیریت سے ہوجائے اور شادی کے تمام اسباب اللہ غیب سے پورے کرے۔